Rasieja budzie prymać rašučyja miery ŭ dačynieńni da niajakasnaha biełaruskaha małaka, jakoje pastupaje ŭ RF. Pra heta, jak pieradaje RIA Naviny, zajaviŭ kiraŭnik Minsielhasa Rasii Alaksandr Tkačoŭ.
Raśsielhasnahlad płanavaŭ z 26 lutaha abmiežavać ŭvoz ź Biełarusi małaka i šerahu vidaŭ małočnaj pradukcyi dla pierapracoŭki. Viedamstva tłumačyła heta tym, što praciahvajecca pastupleńnie z krainy niebiaśpiečnaj syraviny. Potym uviadzieńnie zabarony było pieraniesienaje na 6 sakavika, i znoŭ — na 15 sakavika. Zabarona nie raspaŭsiudžvajecca na małako ŭ spažyvieckaj upakoŭcy.
«Kali my havorym pra biełaruskaje małako i siońniašnija našy sprečki z našymi kalehami, my, chaču skazać, pavodzim siabie dosyć biescyrymonna ŭ adnosinach da našych kaleh, kali my bačym, što pradukcyja abo falsifikavanaja, abo da nas prychodzić praz «šery impart», abo praz kantrabandu praz trecija krainy — Ukrainu, Polšču, prybałtyjskija krainy», — skazaŭ Tkačoŭ, vystupajučy na Usierasijskim forumie sielhasvytvorcaŭ. Jon nazvaŭ takija dziejańni niedapuščalnymi.
«Heta razburaje naš rynak, robić niemahčymym vytvorčaść małočnych praduktaŭ z narmalnaha, jakasnaha małaka», — padkreśliŭ ministr. U vyniku, adznačyŭ jon, na rynku nazirajecca niadobrasumlennaja kankurencyja. «Zrazumieła, što nas prosta vybivajuć.
My bačym, i jość vypadki — nie adzin, a dziasiatki, moža i bolš, — kali našy rasijskija małočnyja pradpryjemstvy, fabryki robiać małočnyja vyraby, toj ža syr, masła z suchoha małaka, biełaruskaha, jakoje tańniejšaje», — ukazaŭ Tkačoŭ.
«Viadoma, hetyja pytańni vyklikajuć šmat sprečak, i, biezumoŭna, my ad hetaha pakutujem.
Našy rašučyja miery ŭ dačynieńni da našych kaleh z sajuznaj dziaržavy, biezumoŭna, buduć praciahvacca. My — za čyściniu (pradukcyi), my — za spraviadlivaść, my — za nahlad ad pola da pryłaŭka», — skazaŭ ministr.
Jon nahadaŭ, što z 1 lipienia ŭ Rasii budzie zapuščana afarmleńnie elektronnych vieterynarnych siertyfikataŭ, što dapamoža, u tym liku, adsočvać ruch partyj biełaruskaj pradukcyi.
«Viadoma, my šmat u čym ačyścim hety rynak. Tamu, kali vam havorać, što małočnaja pradukcyja stanie daražejšaj, pałochajuć vas, i čamu takaja cikavaść da hetaha, kab u nas u krainie hetaha nie adbyłosia — kab bolš było śmiećcia ŭ krainie, kab bolš było mahčymaściaŭ dla machinacyj, śpiekulacyj. Tym samym heta, pierš za ŭsio, baluča bje pa dobraprystojnych vytvorcach. Heta niedapuščalna», — padsumavaŭ Tkačoŭ.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»27
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary