Iłan Mask raspavioŭ, jakaja palityčnaja sistema maje być ustalavanaja na Marsie paśla kałanizacyi
Na štohadovym fiestyvali SXSW u Techasie Iłan Mask, adkazvajučy na pytańni naviedvalnikaŭ, raspavioŭ ab płanach SpaceX, pahrozach z boku štučnaha intelektu i niebiaśpiecy zastavacca na Ziamli ŭ najbližejšaj budučyni, piša The Verge.
Kiraŭnik SpaceX zajaviŭ, što kampanija ažyćciavić pieršy vyprabavalny palot da Marsa ŭ pačatku 2019 hoda z dapamohaj pakul niedabudavanaj rakiety Big Falcon Rocket. Jon taksama adznačyŭ, što pakul mnohija piesimistyčna aceńvajuć jaho płany na paloty da Marsa, ale kali SpaceX heta zrobić — astatnija biznesmieny i ŭrady krain «taksama ŭstupiać u hulniu».
Niechta z haściej pacikaviŭsia ŭ Maska pra toje, jak, na jahonuju dumku, pavinna być uładkovanaja ŭłada na Marsie.
Pradprymalnik zajaviŭ, što patrebna pramaja demakratyja, dzie novyja zakony prymajucca pa dasiahnieńni 60% kansensusu, a staryja mohuć być admienienyja, kali za heta prahałasuje 40% čałaviek.
Na dumku Maska, važnaj častkaj kanstytucyi marsijanaŭ stanie pryncyp zakančeńnia terminu dziejańnia zakonaŭ u vypadku, kali ich nichto nie zachoča praciahvać.
Adkazvajučy na adno z pytańniaŭ Mask viarnuŭsia da temy niebiaśpieki štučnaha intelektu. Na jaho dumku, ekśpierty ŭ hetaj śfiery «dumajuć, što viedajuć bolš, čym na samoj spravie» i im «nie padabajecca ideja, što mašyna moža być razumniejšaja za ich». Mask rastłumačyŭ, što pakul ałharytmy prymianiajucca ŭ vuzkich halinach i ŭjaŭlajuć pahrozu tolki dla pracoŭnych miescaŭ, ale źjaŭleńnie ŭniviersalnaha «śvierchrazuma» stanie pahrozaj cyvilizacyi.
«Zapomnicie maje słovy: štučny intelekt našmat bolš niebiaśpiečny za jadziernuju zbroju. Ja nie asablivy prychilnik nahladu i rehulavańnia, ale heta toj vypadak, kali isnuje vielmi surjoznaja niebiaśpieka dla hramadstva. Čamu ŭ nas niama nahladnych orhanaŭ? Heta varjactva», — vykazaŭsia Iłan Mask.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary