Partnior Barysa Bierazoŭskaha pamior u Vialikabrytanii jak jon. Jaho taksama znajšli paviešanym
Palicyja Łondana pačała rasśledavańnie abstavinaŭ śmierci byłoha pieršaha namieśnika hiendyrektara «Aerafłota» Mikałaja Hłuškova, cieła jakoha sa śladami zadušeńnia było znojdziena napiaredadni
Spadar Hłuškoŭ, uciakač u Vialikabrytaniju, u minułym hodzie zavočna byŭ asudžany na 8 hadoŭ źniavoleńnia za kradziež srodkaŭ avijakampanii.
Jak raspaviali «Kommiersantu» znajomyja 69-hadovaha Mikałaja Hłuškova, jaho cieła było znojdziena dačkoj Natallaj u kvatery na ŭskrainie Łondana. Pa ich słovach, na šyi Hłuškova byli bačnyja ślady zadušeńnia. Było heta zabojstva abo samahubstva, pakul nie jasna — pravodzicca rasśledavańnie.
Mikałaj Hłuškoŭ byŭ partnioram i bližejšym paplečnikam Barysa Bierazoŭskaha, znojdzienaha paviešanym u svaim domie ŭ pryharadzie Łondana 23 sakavika 2013 hoda.
Mikałaj Hłuškoŭ pracavaŭ u kampanii «Łahavaz», stvoranaj Barysam Bierazoŭskim, a paźniej byŭ hiendyrektaram «AŭtaVAZa» i namieśnikam dyrektara «Aerafłota». U 2000 hodzie Hłuškova aryštavali pa abvinavačvańni ŭ machlarstvie.
U 2010 h. atrymaŭ palityčny prytułak u Vialikabrytanii. U 2017 h. jaho sudzili ŭ Rasii zavočna i prysudzili da vaśmi hadoŭ pazbaŭleńnia voli pa abvinavačańni ŭ kradziažy 122 miljonaŭ dalaraŭ u «Aerafłota».
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary