Jak paviedamlaje TUT.BY, trahiedyja adbyłasia ŭ noč z 12 na 13 sakavika. Jašče dniom Ksienija schadziła ŭ škołu, viarnułasia, zrabiła ŭroki, niańčyła małodšaha bracika i ni na što nie skardziłasia. A nočču dziaŭčynku sparalizavaŭ bol. Pierapudžanyja baćki vyklikali chutkuju. Małuju advieźli ŭ špital — i ŭsio. Vyratavać dzicia nie ŭdałosia.
Viadoma, što dziaŭčynka vučyłasia ŭ 4-m kłasie adnoj z himnazij Homiela. Žyła z baćkami ŭ pasiołku Palana, što pad Homielem.
— Papiarednie ŭstanoŭlena, što ŭviečary 12 sakavika, znachodziačysia doma, dzicia adčuła rezkaje paharšeńnie samaadčuvańnia. Baćki vyklikali chutkuju miedycynskuju dapamohu. Dziaŭčynku dastavili ŭ adnu ź miedycynskich ustanoŭ Homiela, dzie ŭ noč z 12 na 13 sakavika jana pamierła ŭ adździaleńni reanimacyi, — paviedamiła aficyjny pradstaŭnik USK pa Homielskaj vobłaści Maryja Kryvanohava.
Homielski haradski adździeł Śledčaha kamiteta pravodzić pravierku pa fakcie śmierci školnicy. Dla vyjaŭleńnia pryčyny śmierci 10-hadovaj školnicy pryznačana praviadzieńnie kompleksnaj sudova-miedycynskaj ekśpiertyzy.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva48
Kamientary