Va Ukrainie zastreliŭsia były piłot Uładzisłaŭ Vałošyn. U Rasii jaho abvinavačvali ŭ atacy na małajzijski «Boinh»
U Mikałajevie 18 sakavika ŭ svajoj kvatery zastreliŭsia 29-hadovy lotčyk, udzielnik bajavych dziejańniaŭ na ŭschodzie Ukrainy, Uładzisłaŭ Vałošyn. Jak paviedamlajuć ukrainskija ŚMI, u apošnija niekalki miesiacaŭ jon kiravaŭ pradpryjemstvam «Mikałajeŭski mižnarodny aeraport». U momant samahubstva doma znachodziłasia jaho siamja. Vałošyn pamior u mašynie chutkaj dapamohi pa šlachu ŭ špital.
Uładzisłaŭ Vałošyn — były piłot šturmavika Su-25 299-j Mikałajeŭskaj bryhady taktyčnaj avijacyi. Jon ździejśniŭ 33 bajavyja vylety i, jak adznačajecca ŭ publikacyjach, nanios značny ŭron praciŭniku.
Mienavita Vałošyna rasijskija ŭłady abvinavačvali ŭ napadzie na małajzijski «Boinh», źbity nad Danbasam. Hetyja abvinavačvańni byli abvierhnutyja dadzienymi rasśledavańniaŭ, praviedzienych prakuraturaj Niderłandaŭ i ŭkrainskimi śledčymi. Kantrakt Vałošyna skončyŭsia ŭ hetym hodzie, jon syšoŭ u zapas u studzieni.
Pa słovach svajakoŭ, apošnim časam Vałošyn znachodziŭsia ŭ pryhniečanym stanie.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ21
Kamientary