U Mahilovie vynieśli prysud 20-hadovamu kiroŭcu «Falksvahiena», jaki 12 listapada ŭ Mahilovie na vulicy Jakuboŭskaha źbiŭ mužčynu i maci ź dziciem. 34-hadovaja žančyna zahinuła na miescy, i paciarpiełaja ŭ DTZ 8-hadovaja dziaŭčynka zastałasia siratoj. Z traŭmami špitalizavali i 57-hadovaha piešachoda. Sud pryznačyŭ kiroŭcu pakarańnie ŭ vyhladzie 2 hadoŭ kałonii-pasialeńnia. Svajaki zahinułaj ličać prysud zanadta miakkim.
Asudžany jechaŭ na «Falksvahienie» pa vulicy Jakuboŭskaha ŭ 19.40. Maci z dačkoj pierachodzili prajeznuju častku pa nierehulavanym piešachodnym pierachodzie z adnaho boku, a mužčyna — z druhoha. Kali jany pierasieklisia ŭ adnoj pałasie darohi, ich i źbiŭ 20-hadovy kiroŭca.
Apieku nad 8-hadovaj dziaŭčynkaj ŭziali svajaki, piešachodny pierachod praź niekalki dzion demantavali.
Ekśpiertyza pakazała, što 20-hadovy kiroŭca, hramadzianin Bałharyi, u toj momant ruchaŭsia z dapuščalnaj chutkaściu. Ale — nie spyniŭsia pierad nierehulavanym piešachodnym pierachodzie, choć kiroŭcy inšych transpartnych srodkaŭ, jakija ruchalisia ŭ spadarožnym napramku pa susiednich pałosach, spynilisia.
Siamja kiroŭcy vypłaciła siamji dziaŭčynki 20 tysiač rubloŭ i abaviazałasia vypłačvać 150 dalaraŭ u ekvivalencie štomiesiac da paŭnalećcia dziciaci. Pa słovach Natalli, siastry zahinułaj, jakaja źjaŭlajecca aficyjnym apiekunom asiraciełaj dziaŭčynki, umovy raśpiski siamja kiroŭcy vykonvaje.
Chrosny baćka dziaŭčynki, Alaksandr, raspavioŭ TUT.BY, što ličyć prysud zanadta miakkim:
— Sankcyi artykuła praduhledžvajuć da 5 hadoŭ pazbaŭleńnia voli — stolki i prasiŭ advakat paciarpiełaha boku. My, svajaki zahinuŭšaj, ličym, što 2 hady pasialeńnia — heta zanadta miakkaje pakarańnie dla taho, kab kiroŭca ŭśviadomiŭ svaju vinu.
Siastra zahinułaj kaža, što svajaki «nijakija chadajnictvy, nijakija inšyja papiery paśla vyniasieńnia prysudu nie padavali i nie buduć». Pavodle jaje słoŭ, plamieńnica pačuvajecca dobra, chodzić u škołu razam z rodnymi dziećmi Natalli — synam i dačkoj.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary