Daražeje košt prajezdu na čyhuncy

U Biełarusi ŭźniali košt prajezdu na čyhunačnym transparcie: na haradskich linijach — z 20 sakavika, a na rehijanalnych i mižrehijanalnych linijach — z 1 krasavika, piša Tut.by

Pavyšeńnie praduhledžana pastanovaj MARH ad 21 śniežnia 2017 h..

Taryfy na pieravozki pasažyraŭ čyhunačnym transpartam ahulnaha karystańnia na haradskich linijach pavialičany z 20 sakavika na 2-6%.

U MARH adznačajuć, što košty padniali «da naminału, zručnaha dla apłaty». Praściej kažučy, akruhlili.

Taryfy na pieravozki pasažyraŭ čyhunačnym transpartam ahulnaha karystańnia na rehijanalnych i mižrehijanalnych linijach pavialičacca z 1 krasavika — na 24% i 32% adpaviedna.

Tak, taryf na prajezd na haradskich linijach pa adnym napramku vyraście z 0,88 da 0,9 rubla (u miežach adnaho taryfnaha pojasa). Za takuju canu možna budzie dabracca, naprykład, ź Minska da stancyj Fanipal, Haradzišča, Biełaruś, ad Bresta — da Žabinki.

Stolki budzie kaštavać, da prykładu, pajezdka ad stancyi Minsk-Pasažyrski da stancyi Biełaruś, Fanipal, Haradzišča, Michanavičy abo ad stancyi Brest-Centralny da Žabinki.

Pry hetym taryf na pieravozki pasažyraŭ u miežach dvuch taryfnych pajasoŭ pa adnym napramku z 20 sakavika vyras z 1,04 rubla da 1,1 rubla. U taki košt abyjdziecca bilet ad stancyi Minsk-Pasažyrski da stancyi Rudziensk (pry prajeździe pasažyra praz stancyju Michanavičy).

Taryf na pieravozki pasažyraŭ u miežach dvuch taryfnych pajasoŭ pa dvuch napramkach z 20 sakavika padniali z 1,76 da 1,8 rubla, a taryf na pieravozki pasažyraŭ u miežach troch taryfnych pajasoŭ pa adnym napramku - z 2,5 da 2,6 rubla.

Taryf na pieravozki pasažyraŭ u miežach čatyroch taryfnych pajasoŭ pa dvuch napramkach padniali z 20 sakavika z 2,08 da 2,1 rubla.

Taryfy na pieravozki pasažyraŭ čyhunačnym transpartam ahulnaha karystańnia na rehijanalnych linijach ekanomkłasa z 1 krasavika vyrastuć z 0,16 rubla da 0,2 rubla za adnu zonu, z 0,016 da 0,02 rubla za 1 kiłamietr.

Taryfy na pieravozki pasažyraŭ čyhunačnym transpartam ahulnaha karystańnia na rehijanalnych linijach biznes-kłasa taksama vyrastuć z 1 krasavika. Da prykładu, kvitok u ahulnym vahonie (siadziačym) ciahniku z pasažyrskimi vahonami łakamatyŭnaj ciahi na adlehłaść ad 1 da 10 kiłamietraŭ padaražeje z 1,84 da 2,43 rubla, u płackartnym vahonie ŭ hetym ža ciahniku na takuju ž adlehłaść — z 2,98 da 3,94 rubla.

• 0
• 0
• 0
• 0
• 0
• 0
• 0
• 0