U Biełarusi vynieśli prysud chakieru, jaki ŭzłamaŭ biełaruski bank i skraŭ bolš za 600 tysiač dalaraŭ. Za niekalki hadzin mužčyna razam z saŭdzielnikami zavałodaŭ z 27 bankamataŭ u Minsku, Mahilovie i Viciebsku, sumaj bolš za 600 tysiač dalaraŭ u ekvivalencie. U pošuku złamyśnika prymaŭ udzieł Interpoł, paviedamlaje Tut.by.
Prysud byŭ vyniesieny 49-hadovamu rasijaninu, jaki pražyvaŭ u Ryzie. Jon za niekalki hadzin razam z saŭdzielnikami uzłamaŭ bankamaty biełaruskich bankaŭ i zavałodaŭ 527 tysiačami dalaraŭ, 67,5 tysiačy jeŭra i amal 109 tysiačami biełaruskich rubloŭ.
Ad dziejańniaŭ złamyśnikaŭ paciarpieli banki Biełarusi i Kyrhyzstana. Ahulnaja suma škody ad dziejańniaŭ złačyncaŭ u dźviuch krainach pieravyšaje 2 miljony biełaruskich rubloŭ u ekvivalencie.
Jak vyśvietlili śledčyja, 49-hadovy žychar pryjechaŭ u Biełaruś pa paradzie znajomaha, jakomu jon zavinavaciŭ hrošy. Mužčynie ŭ zalik doŭhu treba było pryjechać u našu krainu i zabrać dakumienty.
— Pa pryjeździe ŭ Miensk akazałasia, što pasłuha zaklučajecca ŭ tym, kab padjechać pa niekalkich adrasach da bankamataŭ i ŭ patrebny čas zabrać hrošy. Jak akazałasia, jany sami źjaŭlalisia z pryłady, nie treba było karystacca nijakimi bankaŭskimi kartkami. Abvinavačany, jaki raniej nie mieŭ prablem z zakonam, paźniej raskaža, što sumieŭsia i, razumiejučy, što takija dziejańni karalnyja, zasumniavaŭsia, ci varta ŭdzielničać u padobnym. Adnak, mužčyna, ź jaho słoŭ, spakusiŭsia i pahadziŭsia, — tłumačać u pres-słužbie Śledčaha kamiteta.
Sabranyja z roznych bankamataŭ Minska hrošy mužčyna pavinien byŭ pieradać inšamu ŭdzielniku hrupy — Ivanu Ivanaviču, jaki «dajhraŭ rolu da kanca i viarnuŭsia dadomu, u Łatviju».
U žniŭni 2017 hady 49-hadovaha ryžanina zatrymali ŭ Safii bałharskija pravaachoŭniki, amal praz 4 miesiacy jon byŭ ekstradavany ŭ Biełaruś.
Sud Partyzanskaha rajona asudziŭ mužčynu da 11 hadoŭ 6 miesiacaŭ pazbaŭleńnia voli. Prysud u zakonnuju siłu nie ŭstupiŭ.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary