U momant śmiarotnaha DTZ z udziełam krasoviera Tesla Model X, elektrakar znachodziŭsia ŭ režymie aŭtapiłota. Pra heta havorycca ŭ dakładzie amierykanskaj kampanii, jaki cytuje SFGate. U dakumiencie padkreślivajecca, što zahinuły Uołtar Chuan uklučyŭ hety režym za niekalki chvilin da trahiedyi. Pry hetym, niahledziačy na nieadnarazovyja papiaredžańni sistemy, kiroŭca nie datykaŭsia da rula.
«Kiroŭca atrymaŭ niekalki vizualnych i adno hukavoje papiaredžańnie pra pačatak pracy aŭtapiłota. Pry hetym jaho ruki pavinny byli znachodzicca na ruli. Adnak da samaha momantu avaryi jon heta nie zrabiŭ» — havorycca ŭ paviedamleńni kampanii. U Tesla dadali, što sam Model X źjaŭlajecca adnym z samych biaśpiečnych krasovieraŭ ŭ śviecie.
Taksama ŭ kampanii nahadali, što aŭtapiłot źjaŭlajecca dapamožnaj funkcyjaj i patrabuje ad kiroŭcy trymać ruki na ruli. Aŭtamabil pastajanna nahadvaje pra heta i aŭtamatyčna zapavolvajecca, pakul kiroŭca nie pakładzie ruki na rul.
U svaju čarhu Nacyjanalny saviet pa biaśpiecy na transparcie vykazaŭ niezadavolenaść tym, što Tesla apublikavała zaklučeńnie pra avaryju nie čakajučy aficyjnaha zaviaršeńnia rasśledavańnia. Pa dadzienych arhanizacyi, śledstva pa hetaj spravie jašče nie zavieršana.
Incydent adbyŭsia 23 sakavika hetaha hoda. Krasovier Model X syšoŭ z trasy i ŭrezaŭsia ŭ adbojnik. U vyniku mašyna zaharełasia. Za rulom elektrakara znachodziŭsia 38-hadovy Uołtar Chuan, jaki zahinuŭ na miescy. U samoj Tesla zajavili, što jašče «nikoli nie sutykalisia z takimi surjoznymi paškodžańniami Model X u avaryjach».
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii3
Kamientary