Urad vyznačyŭ, chto budzie padpadać pad dziejańnie abnoŭlenaha dakumienta pa darmajedstva — dekreta № 1, i jakija pasłuhi jany buduć apłačvać pa poŭnym taryfie. Adpaviednaje rašeńnie zamacavana pastanovaj urada ad 31 sakavika 2018 h. № 239, piša Tut.by.
Tak, niezaniatyja ŭ ekanomicy buduć pa poŭnym taryfie płacić za žyllova-kamunalnyja pasłuhi. Akramia taho, u rehijonach stvorać kamisii, jakija buduć prymać rašeńni pa tych, chto trapiŭ pad dziejańnie dekreta ab sadziejničańni zaniataści.
Kaho buduć ličyć zaniatymi ŭ ekanomicy?
Da tych, chto zaniaty ŭ ekanomicy, buduć adnosić:
- tych, chto pracuje pa pracoŭnamu dahavoru (kantraktu);
- IP, advakataŭ, nataryusaŭ, ramieśnikaŭ, a taksama tych, jakija zajmajucca ahraturyzmam;
- chto vykonvaje raboty pa hramadzianska-pravavych dahavorach;
- tych, chto vypłačvaje adziny padatak;
- vajskovasłužboŭcaŭ, supracoŭnikaŭ vajenizavanaj arhanizacyi, jakija majuć śpiecyjalnyja zvańni, vajennaabaviazanych padčas prachodžańnia vajskovych abo śpiecyjalnych zboraŭ, a taksama tych, chto prachodzić alternatyŭnuju słužbu;
- tvorčych rabotnikaŭ, status jakich paćviardžajecca tvorčym sajuzam abo prafiesijnym siertyfikatam tvorčaha rabotnika;
- śviataroŭ, udzielnikaŭ (siabraŭ) manastyra, manaskaj supolnaści, a taksama navučencaŭ duchoŭnych navučalnych ustanoŭ;
- členaŭ nacyjanalnych i zbornych kamand pa vidach sportu;
- biespracoŭnych, jakija zarehistravany ŭ centrach zaniataści abo prachodziać pieranavučańnie ad centraŭ zaniataści.
Tyja, chto vychoŭvaje dziaciej da 7 hadoŭ, dzicia-invalida va ŭzroście da 18 hadoŭ, traich i bolš niepaŭnaletnich dziaciej, taksama traplajuć u lik tych, chto zaniaty ŭ ekanomicy.
Tyja, chto atrymlivaje adukacyju ŭ dzionnaj formie, a taksama jakija atrymlivajuć adukacyju na chacie taksama buduć ličycca zaniatymi ŭ ekanomicy. Vyklučeńnie — tyja, chto prachodzić navučalnyja kursy (lektoryi, tematyčnyja sieminary, praktykumy, treninhi, aficerskija kursy) i adukacyjnyja prahramy ŭdaskanaleńnia mahčymaściaŭ i zdolnaściaŭ asoby.
Zaniatymi ŭ ekanomicy taksama ličacca tyja, chto zajmajecca vytvorčaściu pradukcyi raślinavodstva (za vyklučeńniem pradukcyi kvietkavodstva, dekaratyŭnych raślin, ich nasieńnia i rasady), žyviołahadoŭli (za vyklučeńniem haradoŭ Bresta, Viciebska, Homiela, Hrodna, Minska, Mahilova) na ziamielnym učastku, pradastaŭlenym dla viadzieńnia asabistaj padsobnaj haspadarki, viadzieńnia sialanskaj (fiermierskaj) haspadarki, budaŭnictva i absłuhoŭvańnia žyłoha doma, u tym liku budaŭnictva i (abo) absłuhoŭvańnia adnakvaternaha, błakiravanaha žyłoha doma, absłuhoŭvańnia zarehistravanaj arhanizacyjaj pa dziaržaŭnaj rehistracyi kvatery ŭ błakiravanym žyłym domie.
Spartsmieny-navučency śpiecyjalizavanych vučebna-spartyŭnych ustanoŭ, dziciača-junackich spartyŭnych škoł (śpiecyjalizavanych dziciača-junackich škoł alimpijskaha reziervu), uklučanych u strukturu kłubaŭ pa vidu (vidach) sportu ŭ vyhladzie adasoblenych strukturnych padraździaleńniaŭ taksama adnosiać da zaniatych da ekanomiki.
Kaho vyklučyli sa śpisu niezaniatych?
Pry hetym ź liku pracazdolnych hramadzian, jakija nie zaniatyja u ekanomicy, vyklučajucca hramadzianie, zaniataść jakich pa abjektyŭnych pryčynach ciažkaja abo niemahčymaja. Tak, da pracazdolnych hramadzian, niezaniatych ŭ ekanomicy, nie buduć adnosić:
- biełarusaŭ, ź jakimi spynieny pracoŭnyja adnosiny, — na praciahu kvartała, nastupnaha za kvartałam, u jakim adbyłosia zvalnieńnie. Pry hetym u vypadku skasavańnia pracoŭnaha dahavora (kantrakta) z-za skaračeńnia kolkaści abo štatu rabotnikaŭ, nieadpaviednaści rabotnika zajmajemaj pasadzie abo vykonvajemaj rabocie z pryčyny stanu zdaroŭja, jaki pieraškadžaje praciahu hetaj pracy, zakančeńnia terminu dziejańnia kantraktu — na praciahu 6 miesiacaŭ z daty zvalnieńnia.
- vajskovasłužboŭcaŭ, supracoŭnikaŭ (rabotnikaŭ) vajenizavanaj arhanizacyi, jakija mieli śpiecyjalnyja zvańni reziervistaŭ padčas prachodžańnia zaniatkaŭ i vučebnych zboraŭ, a taksama prachodzili alternatyŭnuju słužbu na praciahu 6 miesiacaŭ, pačynajučy ź miesiaca, u jakim byli spynienyja nazvanyja adnosiny;
- vypusknikoŭ dzionnaj formy atrymańnia adukacyi, a taksama adukacyi na chacie, za vyklučeńniem dadatkovaj adukacyi — da kanca kalandarnaha hoda, u jakim byŭ atrymany dypłom.
- navučencaŭ duchoŭnych navučalnych ustanoŭ, — da zakančeńnia kalandarnaha hoda, u jakim byli spynienyja adukacyjnyja adnosiny;
- pryznanych invalidami (niezaležna ad hrupy, pryčyny, daty nastupleńnia i terminu invalidnaści), a taksama pryznanych pa rašeńni suda niedziejazdolnymi; jakija znachodziacca na prymusovym lačeńni.
- jakija zdajuć ŭnajom žyłyja i niežyłyja pamiaškańni, mašyna-miescy pry vypłacie padachodnaha padatku ź fizičnych asob;
- jakija vykonvali na praciahu poŭnaha siezona siezonnyja pracy;
- znachodzilisia pad miedycynskim nahladam u pieryjad ciažarnaści i rodaŭ;
- adbyvajuć pakarańnie pa pryhavory suda i źmieščanych u lačebna-pracoŭnych prafiłaktoryjach;
- muž i žonka vajskoŭca, jaki prachodzić vajennuju słužbu pa kantrakcie, vajennuju słužbu aficeraŭ pa pryzyvu, maładoha śpiecyjalista, jaki prystupiŭ da pracy pa raźmierkavańni (pieraraźmierkavańnia) abo kirunku (nastupnamu napramku) na pracu, — na čas ich sumiesnaha pražyvańnia ŭ miascovaści, dzie niama mahčymaści pracaŭładkavacca.
Akramia taho, nie buduć adnosić da niezaniatych ŭ ekanomicy taksama tych, chto atrymlivaje piensiju pa invalidnaści ci pa pryčynie straty karmiciela z-za niaščasnaha vypadku na vytvorčaści abo prafiesijnym zachvorvańniem, jakija atrymlivajuć štomiesiačnyja strachavyja vypłaty ad niaščasnych vypadkaŭ na vytvorčaści i prafiesijnych zachvorvańniaŭ.
Kamientary