Pra heta ŭ piatnicu zajaviŭ Alaksandr Łukašenka na sustrečy z kiraŭnikami delehacyj, jakija ŭdzielničajuć u pasiadžeńni Savieta ministraŭ zamiežnych spraŭ SND.
«Biełaruś hatovaja zrabić usio, kab na Danbasie byŭ mir na pryncypach zachavańnia ŭsich mižnarodna-pravavych farmalnaściej i zhody kanfliktujučych bakoŭ», — skazaŭ jon. Jon zaznačyŭ, što jaho kraina, znachodziačysia na svojeasablivym hieapalityčnym razłomie, «uśviedamlaje niedaskanałaść raskručvańnia śpirali kanfrantacyi ŭ jeŭrapiejskim rehijonie».
«My faktyčna na parozie novaj honki ŭzbrajeńniaŭ. Ekśpierty śćviardžajuć, što chałodnaja vajna ŭžo idzie», — padkreśliŭ Łukašenka.
Pavodle jaho słoŭ, sproby vypracavać novuju paradyhmu śvietabudovy adbyvajucca nie za stałom pieramovaŭ, a ŭ haračych kropkach. «I najbližejšaja ź ich Danbas, — kanstatavaŭ jon. — Šyrokamaštabnyja bajavyja dziejańni dziakujučy Minskim pahadnieńniam tam spynienyja, ale ludzi praciahvajuć hinuć».
Mižnarodnaja abstanoŭka, padkreśliŭ biełaruski kiraŭnik, «pieranasyčanaja napružanaściu». «Najbolš niebiaśpiečnaja tendencyja — na jeŭraatłantyčnaj prastory. Idzie raschistvańnie sistemy procivah, jakija raniej strymlivali supierničajučyja dziaržavy i błoki», — skazaŭ na zakančeńnie Łukašenka.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary