Niadaŭna ŭ Viciebsku razhladali niezvyčajnuju administracyjnuju spravu. U statusie paciarpiełaha — načalnik adździeła pa baraćbie z arhanizavanaj złačynnaściu 7-ha ŭpraŭleńnia (pa Viciebskaj vobłaści) HUBAZiK MUS Rusłan Bajazitaŭ. Jon byŭ vymušany padać zajavu ab pryciahnieńni da adkaznaści maci ŭžo asudžanaha bandyta, lidara złačynnaj hrupoŭki, za paklop i abrazy, pieradaje sb.by.
Spačatku žančyna pisała skarhi ŭ Śledčy kamitet, prakuraturu i inšyja ŭstanovy na toje, što jaje syna nibyta niezakonna aryštavali, a materyjały spravy sfalsifikavali. Šmatlikija pravierki na samych vysokich uzroŭniach, a paśla i sud, dakazali advarotnaje. Paśla razhladu kasacyj abvinavačanaha i jaho svajakoŭ u abłasnym i Viarchoŭnym sudach prysud pakinuli ŭ sile.
Pryjšoŭ čas kanfiskacyi majomaści. Maci i byłaja žonka asudžanaha zachacieli advajavać darahi katedž, zarobleny złačynnym šlacham, i padali pazoŭ. Adkazčyki — padatkovaja inśpiekcyja, Śledčy kamitet i MUS. Ministerstva ŭnutranych spraŭ delehavała ŭ sud svajho pradstaŭnika — Rusłana Bajazitava.
Adrazu paśla pasiadžeńnia ŭ adnosinach da padpałkoŭnika maci złačyncy raspačała sapraŭdnaje ckavańnie: telefanavała jamu samomu, jaho kiraŭnictvu i navat žoncy, abražajučy i abvinavačvajučy načalnika adździeła pa baraćbie z arhanizavanaj złačynnaściu va ŭsich śmiarotnych hrachach. Ale nie praduhledzieła hałoŭnaha: razmovy akazalisia zapisanymi. Pryjšłosia aficyjna paprasić prabačeńnia i vypłacić peŭnuju sumu. Praŭda, pa prośbie supracoŭnika milicyi, jaki byŭ całkam zadavoleny pryniesienymi jamu vybačeńniami, sud pryznačyŭ paklopnicy minimalny štraf.
Kamientary