18 krasavika 2018 hoda a 16:00 u muziei-majsterni Z.Azhura, adbudiecca kruhły stoł «Zachavańnie i restaŭracyja ŭ Biełarusi: Novaje pakaleńnie ŭzdymaje hałavu».
U mierapryjemstvie voźmuć udzieł nośbity roznych prafiesijnych identyčnaściaŭ: restaŭratary, dyzajniery, daśledčyki, kulturnyja menedžery i rabotniki śfiery turyzma. My źbirajemsia ahučyć ułasnaje razumieńnie situacyi dy raspavieści piersanalnyja historyi. Niahledziačy na toje, što asnoŭny fokus uvahi na kruhłym stale nakiravany na maładych, u dyskusii prymuć udzieł i tyja, čyj vopyt pracy sa spadčynaj vymiaraciecca dziesiacihodździami. Svaim dośviedam padzielacca kulturny antrapołah Ściapan Sturejka, historyk Cimafiej Akudovič, dyzajnier Andrej Łarry, architektary Źmicier Traskoŭski, Tamara Matyl i inš.
Struktura kruhłaha stała praduhledžvaje razhornutaje vykazvańnie śpikieraŭ, kamientary maładych prafiesijanałaŭ i reziume «stałych» udzielnikaŭ.
«Meta kruhłaha stała — dać hołas maładym prafiesijanałam, jakija pracujuć sa spadčynaj, zrabić svojeasablivy partret novaha pakaleńnia — tych, ad kaho ŭžo ŭ niedalokaj budučyni budzie zaležać pryniaćcie rašeńniaŭ ab losie našych pomnikaŭ i histaryčnych haradoŭ», — adznačaje staršynia praŭleńnia Biełaruskaha ICOMOS, kulturny antrapołah Ściapan Sturejka.
ICOMOS — Mižnarodny Kamitet pa Pomnikach i Pamiatnych Miaścinach. Štohod pa ŭsim śviecie u druhoj pałovie krasavika jany ładziać mierapryjemstvy, pryśviečanyja Mižnarodnamu dniu pomnikaŭ i pamiatnych miaścin. Sioleta jany abjadnanyja ahulnaj temaj «Spadčyna dziela pakaleńniaŭ».
Pa dadatkovuju infarmacyju źviartajciesia: +375 29 1915853 (Valeryja).
Kamientary