U Kitai pačnuć budavać zavody pa vytvorčaści chmaraŭ, kab pieramahčy zasuchu
Kab pieramahčy zasuchu, kitajskija ŭłady źbirajucca nahnać u nieba štučnyja chmary. Budavać zavody pa vytvorčaści abłokaŭ płanujecca ŭ Tybiecie, piša South China Morning Post.
Pavodle papiarednich acenak, daždžom atrymajecca zabiaśpiečyć 1,6 miljonaŭ km2 — terytoryju, amal u vosiem razoŭ bolšuju za Biełaruś.
Rabić chmary płanujuć pry dapamozie jodzistaha srebra, jakoje budzie ŭtvaracca pry spalvańni reahienta ŭ zavadskich piečach. Padnimajučysia ŭ nieba z haračym pavietram, jodzistaje srebra budzie zapuskać praces kandensacyi vadzianoje pary. Hetakim ža mietadam zaraz zabiaśpiečvajuć dobraje nadvorje pierad śviatočnymi vajskovymi paradami, «vymušajučy» doždž pralivacca zahadzia.

Płanujecca, što paśla ŭviadzieńnia «chmarnych fabryk» u ekspłuatacyju kolkaść apadkaŭ, jakija štohod vypadajuć u Kitai, pavialičycca na 7%.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny
Kamientary