Pramoŭtarka piva, fotazdymki jakoj vykarystali biez dazvołu: «Ja chaču zabyć hetuju situacyju jak strašny son»
Na minułym tydni ŭ biełaruskich supołkach piŭnoha brenda «Chmialnoŭ» źjaviŭsia post, jaki prapanoŭvaŭ udzielnikam vyśvietlić pamier hrudziej adnoj z pramoŭtarak.
Paśla hetaha na brend nakinulisia ŭsie, chto daŭno zrazumieŭ, što rekłama tavaraŭ praź cieła — heta nie prosta seksizm. Takaja rekłama jašče paprostu nie pracuje. Adzinaje, da čaho jana pryvodzić — heta da chajpu. Ale ŭ cyvilizavanych krainach łahičnymi nastupstvami takich rečaŭ źjaŭlajucca reputacyjnyja straty kampanii.
Jak stała viadoma «Našaj Ninie», hałoŭnaja hierainia fotazdymku Daša D. navat nie viedała, što jaje vobraz buduć vykarystoŭvać pobač z takoj apytankaj.
«Heta naohuł nie norma. Kali ja pahadžałasia na pracu, to navat nie viedała, jakaja ŭ nas budzie forma. Dy i pracadaŭcy kazali, što fotazdymki vykładać nikudy nie buduć. Paśla ja ŭsio ž vyrašyła heta pravieryć i ŭbačyła hetuju žudasnuju apytanku. Pačała raźbiracca, i mnie prapanavali zapłacić za fota, bo jano ŭžo było ŭ supołcy, byli prahlady. Ja vyrašyła, što chaj choć tak kampiensujuć. A ciapier chaču zabyć hetuju situacyju jak strašny son», — prakamientavała Daša.
Dziaŭčyna padpracoŭvaje pramoŭtarkaj užo bolš za hod, ale tak jaje «kinuli» ŭpieršyniu.
Pradstaŭniki kampanii ž admovilisia ad lubych kamientaroŭ: «Nichto z nas nie budzie kamientavać hetuju situacyju. Prymicie jak fakt».
Jak možacie ŭbačyć, usie pasty ŭ karparatyŭnych pablikach brenda pryśviečanyja adnoj temie:
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu6
Kamientary