Dzieci zmohuć karystacca Facebook tolki z aficyjnaha dazvołu baćkoŭ
U svaim błohu administracyja Facebook raspaviała pra źmieny ŭ palitycy pryvatnaści. Tak, u chutkim časie źjavicca funkcyja raspaznańnia tvaru, a dzieci zmohuć karystacca sacsietkaj tolki z baćkoŭskaha dazvołu.
Funkcyja raspaznańnia tvaru dapamoža abmiežavać vykarystańnie fatahrafij karystalnikaŭ bieź ich viedama.
Stanuć bolš žorstkimi i nałady pryvatnaści. Chutka vyjdzie novaje karystalnickaje pahadnieńnie, i ŭdzielnikam sacsietki prapanujuć vyznačycca, ci možna Facebook vykarystoŭvać dadzienyja ab ich palityčnych, relihijnych pohladach i statusie adnosin.
Karystalniki va ŭzroście ad 13 (uzrost, ź jakoha dazvolena rehistracyja) da 15 hadoŭ buduć bačyć abmiežavanuju viersiju sacsietki da taho času, pakul jany nie atrymajuć ad baćkoŭ dazvoł na piersanalizacyju. Dla hetaha niepaŭnahadovy pavinien budzie dać spasyłku na adnaho z svaich baćkoŭ abo apiekunoŭ u sacyjalnaj sietcy, a toj, u svaju čarhu, — paćvierdzić dazvoł.
Pavodle dumak, što vykazvajucca karystalnikami sacsietki, heta — nie lepšy mietad paćvierdžańnia: ništo nie pieraškadžaje padletkam davać spasyłki na stvoranyja imi ž fejkavyja staronki.
Kamientary