Maci Koržyča: Sałdat, zastreleny va Uruččy z tankavaha kulamiota, byŭ śviedkam pa spravie
Maci zahinułaha sałdata Alaksandra Koržyča raskazała žurnalistam «Miedyja-Paleśsia», što ŭ časie śledstva zahinuŭ śviedka pa spravie.
Śledčy kamitet skončyŭ rasśledavańnie śmierci Koržyča. Pa hetaj kryminalnaj spravie ŭ jakaści abvinavačanych pryciahnuta troje siaržantaŭ. Jany prachodziać pa 150 epizodach, vinu pryznali častkova. Miarkujecca, što dziejańni vajskoŭcaŭ paciahnuli samahubstva Koržyča.
«Mnie dasłali list sa Śledčaha kamiteta i apaviaścili, što śledstva budzie praciahnuta da červienia, a tut raptam taki rezki pavarot. Ja im skazała, što vy, napeŭna, žadajecie, kab usie tyja, chto maje dačynieńnie da hetaj spravy, źnikli. Sprava ŭ tym, što niadaŭna na vučeńniach va Uruččy zahinuŭ kaleha Sašy, jaki prachodziŭ śviedkam. Ja ŭžo i nie viedaju, što dumać.
Nahadajem, što 4 krasavika ŭ chodzie płanavych zaniatkaŭ pa ahniavoj padrychtoŭcy 120 asobnaj miechanizavanaj bryhady vajskoŭcami terminovaj vajennaj słužby, jakija ŭvachodzili ŭ ekipaž BMP, byli parušanyja miery biaśpieki. U vyniku adzin z členaŭ ekipaža staršy miechanik-kiroŭca BMP atrymaŭ ahniastrelnaje ranieńnie, niesumiaščalnaje z žyćciom. Adbyłosia ŭsio na palihonie Uručča pad Minskam. U chłopca trapili z tankavaha kulamiota Kałašnikava.
Kamientary