Žychary Bresta sabrali aktyvistu 2000 rubloŭ na apłatu štrafaŭ za sudy
Brescki błohier Siarhiej Piatruchin, jaki aktyŭna aśviatlaje na svaim kanale ŭ YouTube dziejnaść praciŭnikaŭ budaŭnictva pad Brestam akumulatarnaha zavoda, apłaciŭ štrafy za niepadparadkavańnie supracoŭnikam milicyi i parušeńnie paradku arhanizacyi masavaha mierapryjemstva.
Usiaho ŭ bank błohier adnios 2327 rubloŭ. Pa słovach Siarhieja Piatruchina, hrošy na štrafy jamu dapamahli sabrać padpisčyki z usioj Biełarusi.
«Ludzi sami adhuknulisia, pieraličvali hrošy. Tak i sabraŭ», — raspavioŭ TUT.BY Siarhiej Piatruchin i padziakavaŭ usim za dapamohu i salidarnaść.
Paśla pačatku pratestaŭ u suviazi z budaŭnictvam pad Brestam akumulatarnaha zavoda Siarhieja Piatruchina štrafavali trojčy.
12 sakavika sud Pinskaha rajona i horada Pinska pryznaŭ jaho vinavatym u niezakonnym vyrabie i raspaŭsiudzie pradukcyi ŚMI (č. 2 art. 22.9 KaAP) i aštrafavaŭ na 40 bazavych vieličyniaŭ (980 rubloŭ). Rašeńnie Siarhiej Piatruchin paśpiachova abskardziŭ u abłasnym sudzie, i hety štraf jamu admianili.
Napiaredadni Dnia Voli Siarhieja Piatruchina zatrymali supracoŭniki milicyi. 29 sakavika sud pryznaŭ jaho vinavatym u niepadparadkavańni supracoŭniku orhanaŭ unutranych spraŭ i pryznačyŭ 45 bazavych vieličyń (1102,5 rubla) štrafu.
U kancy lutaha błohiera aštrafavali na 50 bazavych (1 225 rubloŭ) za parušeńnie paradku arhanizacyi abo praviadzieńnia masavych mierapryjemstvaŭ.
Kamientary