12 maci viaźniaŭ, asudžanych za narkotyki, pačali haładoŭku ŭ kvaterach ŭ Kalinkavičach i Minsku
Udzielnicy ruchu «Maci 328» abviaścili biesterminovuju haładoŭku. Jany damahajucca pierahladu artykułaŭ Kryminalnaha kodeksu za ŭžyvańnie narkotykaŭ i patrabujuć sustrečy z Alaksandram Łukašenkam, piša Radyjo Svaboda.
«Ad poŭnačy siem našych aktyvistak pačali haładoŭku ŭ Kalinkavičach. Ciapier i my. Chto da kaho dałučajecca, miarkujcie sami. Hałoŭnaje, što nas šmat, a budzie jašče bolš, i my budziem stajać da kanca», — skazała na pačatku haładoŭki Łarysa Žyhar, lider hramadzkaj inicyjatyvy.
Pavodle jaje raźlikaŭ, da haładoŭki praź dzień dałučacca jašče 3—4 žančyny, a ŭsiaho pa Biełarusi buduć haładać na znak pratestu kala 20 čałaviek.
Čaho damahajucca žančyny z «Ruchu 328»?
«Pieršaje — heta sustrečy z prezydentam krainy Alaksandram Łukašenkam, bo tolki jon moža nam dapamahčy. Jak kazali nam siabry Pałaty pradstaŭnikoŭ jašče hod tamu, u 2018 hodzie Łukašenka planavaŭ z nami sustrecca. Miarkujem, čas pryjšoŭ», — kaža Ludmiła K. Jaje syn čaćviorty hod siadzić u kalonii «Vićba-3». Adbyvać pakarańnie jamu jašče 9 hadoŭ. Ludmiła damahajecca pierahladu spravy syna.
Heta druhi punkt u patrabavańniach haładoŭnikaŭ — stvareńnie kamisii, jakaja zmoža vyvučyć i prapanavać dla pierahladu spravy pa 328 artykule z 2013 hodu. Žančyny miarkujuć, što šmat spraŭ pa hetym artykule sfalšavanyja śledztvam. Taksama pratestoŭcy miarkujuć, što častku prysudaŭ sudy vynieśli niespraviadliva.
Samy hałoŭny blok patrabavańniaŭ udzielnikaŭ haładoŭki tyčycca liberalizacyi zakanadaŭstva, u tym liku źmiakčeńnia pakarańnia pa 328 artykule, mahčymaści ŭžyvać amnistyju, uparadkavańnia peŭnych normaŭ uliku narkatyčnych złačynstvaŭ.
«Jak mahčyma, što za hram narkotyku i za kilahram — adny i tyja ž terminy? Niechta zhodny, što dzieci parušyli zakon, ale čamu jany atrymali takija nievierahodnyja terminy — 10 i bolej hadoŭ? Jakimi ludźmi jany viarnucca ŭ narmalnaje žyćcio? Dajcie im šaniec», — kaža Łarysa Žyhar.
U lahiery haładoŭnikaŭ na leciščy raźbita niekalki namiotaŭ, u tym liku medyčny, dzie budzie naładžany kantrol za stanam zdaroŭja ŭdzielnic haładoŭki.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary