Ideołah z Administracyi prezidenta raspavioŭ, čamu Kačanava sustrełasia z maci asudžanych za narkotyki
Načalnik hałoŭnaha ideałahičnaha ŭpraŭleńnia Administracyi Prezidenta Alaksandr Iljasievič raspavioŭ «Sovietskoj Biełoruśsii», čamu adbyłasia sustreča Natalli Kačanavaj z haładajučymi žančynami, čyi dzieci asudžanyja za narkotyki.
Nahadajem, žančyny abjavili haładoŭku 27 krasavika. Metaj była sustreča z Łukašenkam i šeraham čynoŭnikaŭ dy siłavikoŭ. 2 maja žančyn zaprasili ŭ Administracyju prezidenta na sustreču z Natallaj Kačanavaj.
«Ja b chacieŭ adrazu pieraścierahčy ad niapravilnaha razumieńnia pieradumoŭ da hetaj sustrečy. Ni haładoŭki, ni jakija-niebudź inšyja akcyi nie ŭpłyvali na rašeńnie ab razmovie kiraŭnika Administracyi z pradstaŭnikami «Ruchu maci 328». Sustreča — tolki praciah paśladoŭnaj i płanamiernaj raboty pa ŭdaskanaleńni antynarkatyčnaha zakanadaŭstva ŭ krainie, jakaja pravodzicca pa daručeńni kiraŭnika dziaržavy. Jak by niekatorym siłam ni chaciełasia palityzavać hety praces, supraćpastavić adno adnamu dziaržavu i hramadstva, na samaj spravie nijakaj kanfrantacyi tut niama i nie pavinna być. Dziaržava apieratyŭna reahuje na hramadskija zapyty, kab sumiesna ź ludźmi skarektavać pracu pa supraćdziejańni narkamanii», — paviedamiŭ Iljasievič.
Jon prysutničaŭ na sustrečy 2 maja. Razmova była vielmi niaprostaj i emacyjnaj, pryznaŭ čynoŭnik.
«Ale, na maju dumku, razmova pakazała blizkaść pohladaŭ: my adnolkava bačym prablemnaje pole i čujem adzin adnaho. Inšaja sprava, što nie na ŭsie zajaŭlenyja hramadzianami pytańni možna adkazać adrazu i biespavarotna, nie raźbirajučysia daskanała ŭ kožnym kankretnym vypadku. Tak, naprykład, u chodzie sustrečy niekatoryja ŭdzielniki patrabavali nieadkładnaha pierahladu sudovych rašeńniaŭ, pa jakich asudžanyja ich svajaki», - raspavioŭ Iljasievič.
Taksama čynoŭnik paćvierdziŭ — pryśpieŭ čas pierahladzieć antynarkatyčnaje zakanadaŭstva. Novy zakonaprajekt budzie ŭ maksimalna mahčymyja terminy pieradadzieny ŭ parłamient, padkreśliŭ Iljasievič.
Kamientary