Udzielnicy «Ruchu maci-328» majuć namier ad 11 traŭnia prypynić haładoŭku ŭ Kalinkavičach i Puchavickim rajonie, jakaja praciahvałasia 13 dzion. Zaŭtra šeść žančyn z Kalinkavičaŭ pryjeduć u Administracyju prezidenta, kab damahčysia sustrečy z Alaksandram Łukašenkam i jašče raz zajavić ab svaich patrabavańniach, piša Biełsat.
Na dadzieny momant haładoŭku trymajuć 4 čałavieki ŭ vioscy Vostraŭ pad Puchavičami i 6 — u Kalinkavičach. Da ich štodnia pryjazdžaje chutkaja dapamoha, kab pamierać cisk i ŭziać analiz kryvi.
Taćciana Kanieŭskaja, udzielnica haładoŭki z Kalinkavič.
Jak paviedamiła belsat.eu adna z kalinkavickich haładoŭnic, Taciana Kanieŭskaja, učora da ich u kvateru prychodziŭ čynoŭnik ź miascovaha vykankamu i papiaredziŭ, što na hetym tydni adkazu ad Administracyi prezidenta čakać nie treba.
«Jon skazaŭ, što adkazu na naš zvarot, niejkich dalejšych zruchaŭ na hetym tydni nie budzie. I papiaredziŭ — kali miedyki pieradaduć jamu, što nam zusim kiepska — nas pačnuć prymusam vyvozić u lakarniu. Nam heta vielmi b nie chaciełasia, tamu pryniali rašeńni spynić haładoŭku. Heta nie značyć, što našaja baraćba skončanaja, prosta my pierachodzim da inšych mietadaŭ. Da jakich kankretna — abvieścim zaŭtra kala Administracyi prezidenta», — raspaviała jana.
Pavodle słoŭ Taciany, na pryjom da mienskich čynoŭnikaŭ jany pajeduć jašče hałodnymi, a prymać ježu pačnuć užo ŭviečary.
«Jašče mnie chaciełasia b prakamientavać słovy staršyni Viarchoŭnaha sudu Sukały. Jon nahavaryŭ chłuśni, a kali čałaviek kaža takuju chłuśniu prezidentu, značyć, Alaksandr Ryhoravič dahetul nie viedaje praŭdy pra našuju situacyju», — ličyć Kanieŭskaja.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy5
Kamientary