Katałonskija lidary ŭ turmie abo vyhnańni, niezaležniki vybieruć premjeram knihavydaŭca
Były kiraŭnik katałonskaha ženeraliteta Karles Pučdemon prapanavaŭ u novyja kiraŭniki ŭrada kandydaturu deputata ad partyi «Razam za Katałoniju» Žaakima (Kima) Toru.
Pučdemon znachodzicca ŭ Bierlinie i čakaje rašeńnia niamieckaha suda ab jaho ekstradycyi ŭ Ispaniju. Svaju zajavu jon raspaŭsiudziŭ u sacyjalnych sietkach.
«U nas jość mahčymaść raźvivać mandat 1 kastryčnika [dzień refierendumu ab niezaležnaści] I budavać krainu svabod i pravoŭ, čaho patrabujuć miljony. Ja asabista dziakuju Kimu Toru za hatoŭnaść da ciažkaj pracy i achviarnaść, patrebnyja, kab zaniać pasadu ŭ takich nadzvyčajnych abstavinach», — napisaŭ Pučdiemon ŭ Twitter.
Žaakim Tora 20 hadoŭ pracavaŭ u pryvatnych kampanijach, u tym liku ŭ Šviejcaryi. Ciapier jon zajmajecca vydavieckim biznesam. Jamu naležyć vydaviectva knih na katałonskaj movie A Contra Vent Editors, jon i sam piša knihi.
Tora byŭ siabram kiraŭnictva parasonavaj hramadskaj arhanizacyi niezaležnikaŭ Katałonskaja nacyjanalnaja asambleja, vice-staršynioj i staršynioj inšaj hramadskaj arhanizacyi Òmnium Cultural — anałaha našaj kampanii «Budźma».
Katałoncy — asobny narod, jaki žyvie na paŭnočnym uschodzie Ispanii. U aŭtanomnym rehijonie Katałonii žyvie amal 8 młn čałaviek. Paśla śmierci dyktatara Franka i pierachodu krainy da demakratyi katałoncaŭ udałosia adradzić svaju movu. U 2017 hodzie jany praviali refierendum ab niezaležnaści.
Paśla hetaha ispanskija ŭłady aryštavali kiraŭnikoŭ niezaležnickich arhanizacyj, a kiraŭnik urad Katałonii Pučdemon paśpieŭ vyjechać za miažu.
Aryštavany 75‑hadovy Źmicier Sańko — vieteran-vydaviec3
Kamientary