Prezident ZŠA Donald Tramp raźličvaje, što pastaŭki stali i aluminiju ź ES skarociacca na 10%. U Bruseli ličać, što amierykancy sami nie pradumali svaju stratehiju
Jak paviedamiła vydańniu The Wall Street Journal polski ministr Jadviha Emilevič, što ŭdzielničaje ŭ pieramovach, Vašynhton prapanuje Bruselu dva varyjanty vyrašeńnia handlovaj sprečki. Abodva praduhledžvajuć źnižeńnie impartu stali i aluminija ŭ Złučanyja Štaty na 10%.
«U nas składvajecca ŭražańnie, što jany (amierykancy) raźličvajuć choć niejak abmiežavać pastaŭki stali i aluminiju z krain ES», - paviedamiła pradstaŭnik jeŭrapiejskaj handlovaj kamisii Siesilija Malmstrem. «Pry hetym jany i sami tołkam nie ŭjaŭlajuć, jak hetyja abmiežavańni ŭvieści», — ličyć Emilevič. Pavodle jaje słoŭ, jeŭrapiejcy sprabujuć znajści varyjanty, jakija zadavolili b abodva baki, adnak sapraŭdnych zadač amierykanskaha boku jany nie razumiejuć.
Pres-sakratar Ministerstva handlu ZŠA Uiłbur Ros zajavy jeŭrapiejskich pradstaŭnikoŭ kamientavać nie staŭ.
Jak raniej zajaŭlaŭ WSJ vysokapastaŭleny jeŭrapiejski dypłamat, u Bruseli paličać niezakonnym abmiežavańnie na 10% ŭvozu ŭ ZŠA stali i aluminija. «Jeŭropa na heta nie pahodzicca», - skazaŭ jon.
Ciapier čytajuć
Jak u halečy śpivałasia radnia Łukašenki? Małaviadomyja fakty6
Kamientary