Kiraŭnik francuzskaj asacyjacyi miaśnikoŭ Žan-Žak Hijar u adkrytym liście źviarnuŭsia da ŭładaŭ z prośbaj abaranić miasnyja kramy ad ahresiŭnych viehanaŭ, jakija imknucca nanieści škodu «cełamu siehmientu francuzskaj kultury» spažyvańnia miasa, piša Bi-bi-si.
Viehany zakidvajuć kamianiami miasnyja kramy, malujuć hrafici na vitrynach i vykarystoŭvajuć inšyja formy vandalizmu, kab prapahandavać svaju fiłasofiju, havorycca ŭ liście Žana-Fransua Hijara.
Jon adznačaje, što za apošnija niekalki miesiacaŭ u Francyi ablili kryvioj vitryny 15 miasnych kramaŭ.
«Hetyja ludzi imknucca pasiejać teror i prymusić cełuju halinu francuzskaj kultury źniknuć», — piša jon.
Viehany imknucca «naviazać absalutnaj bolšaści ludziej svoj ład žyćcia, ci navat svaju ideałohiju», — aburajecca Hijar.
«Viehanski ład žyćcia zanadta razdźmuty ŭ ŚMI», — narakaje miaśnik.
Viehietaryjancy i viehany składajuć nievialikuju častku nasielnictva Francyi: praviedzienaje ŭ 2016 hodzie apytańnie, pakazaŭ, što miasa ŭ ježu nie ŭžyvajuć kala 3% francuzaŭ.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary