Niaśviski pałac restaŭryrujuć nasamreč revalucyjnymi metadami: Salihorski budtrest № 3 Ordena Kastryčnickaj revalucyi puskaje ŭ chod sučasnyja budmateryjały dy technalohii. Fotarepartaž Siamiona Piečanka.
Niaśviski pałac restaŭryrujuć nasamreč revalucyjnymi metadami: Salihorski budtrest № 3 Ordena Kastryčnickaj revalucyi puskaje ŭ chod sučasnyja budmateryjały dy technalohii.
Niaśviski pałac Radziviłaŭ sustrakaje murašynym ruchach budaŭnikoŭ. Jany kapošacca na ziemlanych vałach vakoł pałacu, na jahonych ścienach, dachach, u dvary. U dvary i pad ścienami hudzie ciažkaja budaŭničaja technika.
Na hałoŭnaj bramie źjavilisia šyldy, adna ź jakich śviedčać na łatyni, što pałac byŭ zasnavany ŭ 1583 hodzie, druhaja — što... adrestaŭravany jon u 2010 hodzie.Pieršaje, za što čaplajecca voka, kali traplaješ u dvor — vielizarnaja raściažka z nazvaj pradpryjemstva, što
restaŭryruje kniažy pałac: Budtrest № 3 Ordena Kastryčnickaj revalucyi.Pracy ŭ pałacy i sapraŭdy iduć z revalucyjnym razmacham. Ź ziemlanych vałoŭ ździrajecca dzirvan, a samym vałam nadajecca inšaja forma — ich stylizujuć pad abarončyja bastyjony. Pry hetym vakoł rovu raście abarončaja ściana z tonkaj čyrvonaj cehły z kruhłymi viežami ŭ kutach. Heta — całkam navabud, takoha raniej tut nie było, kaža staršynia HA «Biełaruskaje dobraachvotnaje tavarystva achovy pomnikaŭ historyi i kultury» Anton Astapovič, jaki zładziŭ dla žurnalistaŭ vandroŭku ŭ Niaśviž i Klecak. U vałach biez usialakich papiarednich archiealahičnych raskopak prakapali tranšei dy prakłali darohi, pa jakich traktary vyvoziać budaŭničy druz.
Razburanuju ŭ pačatku hodu pierachod-halereju amal adnavili. Što praŭda, z sučasnych materyjałaŭ i z vykarystańniem sučasnych technalohijaŭ. A heta — parušeńnie nacyjanalnaha zakanadaŭstva i mižnarodnych pahadnieńniaŭ.Niaśviski pałacavy kompleks uniesieny ŭ Śpis Suśvietnaj spadčyny JUNESKA. Pavodle Antona Astapoviča, Dobraachvotnaje tavarystva achovy pomnikaŭ historyi i kultury sumiesna ź Biełaruskaj asacyjacyjaj žurnalistaŭ ładziać manitorynh rekanstrukcyi ŭ Niaśvižy, naprykancy hodu jany majuć dasłać u JUNESKA vynikovuju spravazdaču. Navukovym kiraŭnikom abjektu restaŭracyi kompleksu źjaŭlajecca Siarhiej Druščyc.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary