Źmicier Daškievič z paplečnikami pryvioz kryžy da restarana «Pajedziem, pajadzim». Pieršaja sproba była niaŭdałaj — mašynu zatrymali, «pradukcyju» aryštavali, piša Radyjo Svaboda.
Da miesca narodnaha supracivu Źmicier Daškievič pryjechaŭ z adnadumcami i svajoj siamjoj — žonkaj Nastaj i dziećmi Maraj i Davidam. Chłopcy razhruzili brusy, ciapier treba źbić ich u kryžy.
Achova restarana nie była padrychtavanaja da takoha raźvićcia padziejaŭ i pakul tolki naziraje. Milicyjanty ŭžo papiaredzili, što supraćpraŭnyja dziejańnia mohuć zavieršycca izalataram časovaha ŭtrymańnia.
Siońnia Źmicier Daškievič zaplanavaŭ zamienu starych kryžoŭ, jakija struchnieli ad času. Adnak dyrektar Baraŭlanskaha specleshasu Alaksandar Miranovič papiaredziŭ, što lubyja pracy buduć kvalifikavanyja jak supraćzakonnyja z pryciahnieńniem da administracyjnaj adkaznaści.
Pa słovach čynoŭnika, na ŭstanoŭku patrebny admysłovy dazvoł ź Ministerstva kultury i adpaviednaje ŭzhadnieńnie ź Ministerstvam lasnoj haspadarki. U inšym vypadku novyja kryžy buduć demantavanyja.
Kamientary