Adnak nie ŭsio tak prosta. U karotkaterminovaj pierśpiektyvie taryfy musiać udaryć pa źviazanym z Kitajem amierykanskim biźniesie. Spažyŭcy ŭ ZŠA naŭrad ci ŭściešacca rostu cenaŭ. Dy i viartańnie vytvorčaści ŭ Amieryku — sprava nie chutkaja. Ale Tramp, zdajecca, ličyć, što jon zdoleje «pierahulać» KNR. Jak ni kruci, a ZŠA impartujuć z «Padniabiesnaj» u čatyry razy bolš, čym pradajuć tudy. A, značycca, Kitaj u čatyry razy bolš finansava zaležny ad ZŠA ŭ handlovym płanie.
Što z hetaha Biełarusi? Dahetul Kitaj achvotna davaŭ našamu ŭradu źviazanyja kredyty, ale voś układać hrošy naŭprost nie vielmi śpiašaŭsia, abmiažoŭvaŭsia kropkavymi prajektami. Va ŭmovach padzieńnia prybytkaŭ ad ekspartu ŭ ZŠA, jon moža zrabicca jašče bolš aściarožnym u płanie zamiežnych inviestycyjaŭ.
Ź inšaha boku, zajmieŭšy prablemy ŭ Amierycy, KNR moža aktyvizavacca ŭ inšych rehijonach — u tym liku na jeŭrapiejskim rynku, dzie biełaruskaje kiraŭnictva ŭsialak prezientuje siabie jak nadziejny farpost dla Kitaja. «Kali adny dźviery začyniajucca — adčyniajucca inšyja», — cytuje Financial Times słovy kiraŭnika KNR Si Czińpina. Što praŭda, amierykanskija dźviery viali ŭ taki vializny rynak, zamianić jaki budzie vielmi składana.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy7
Kamientary