Imihracyja ŭ Litvu ŭpieršyniu paśla ŭstupleńnia krainy ŭ ES u 2004 hodzie pieravysiła emihracyju: u krainu ŭjechała bolš ludziej, čym pakinuła jaje, piša Delfi.lt sa spasyłkaj na spravazdaču za pieršaje paŭhodździe Departamienta statystyki Litvy.
Druhi miesiac zapar viedamstva fiksuje situacyju, pry jakoj aficyjnaja imihracyja bolš, čym emihracyja.
Pavodle jaho danych, sa studzienia pa červień u Litvu imihravali 19,2 tysiačy čałaviek, dźvie traciny ź jakich skłali hramadzianie Litvy, jakija viarnulisia. Za toj ža pieryjad 2017 hoda naličyli 9,3 tysiačy imihrantaŭ. Pakinuła Litvu 20 tysiač pastajannych žycharoŭ. Hodam raniej hety pakazčyk składaŭ 26 tysiač čałaviek.
Za hady niezaležnaści nasielnictva Litvy z-za admoŭnaha demahrafičnaha pryrostu i masavaha vyjezdu na zarobki skaraciłasia z 3,7 miljona ŭ 1990 hodzie da 2,8 miljona.
Kamientary