Kanstancin Sumar patłumačyŭ, čamu nazvaŭ Łukašenku «vyšejšym za Boha»
Za časami niezaležnaści Kanstancin Sumar pravioŭ na pasadzie staršyni abłvykankama najbolej z usich kaleh. Amal adzinaccać hadoŭ jon uznačalvaŭ Bresckuju vobłaść. Čym ciapier žyvie były čynoŭnik?
«Ja ciapier staršynia naziralnaj rady «Ruskaha mora». Hetaje pradpryjemstva znachodzicca ŭ padnačaleńni «Santy-Bremar», zajmajecca rasijskim nakirunkam. Alaksandr Michajłavič [Mašenski — «NN»] karystajecca maimi šmatlikimi suviaziami, adpraŭlaje ŭ tuju ž Ukrainu, dzie ja siabruju šmat z kim z byłych hubiernataraŭ, z byłym prezidentam Ukrainy. Prynamsi ja pry žyćci.
Pieršyja try hady paśla adstaŭki było vielmi składana bieź dziaržaŭnaj słužby. Tolki na treci hod stała krychu praściej. Dy i toje, kali jedzieš, bačyš, što pasievy sochnuć, to pieražyvaješ praz heta.
Novy hubiernatar pryjšoŭ sa svajoj prahramaj, sa mnoj nie raicca, ale ja jamu tolki pośpiechaŭ zyču».
My paprasili ŭ Sumara, kab jon raskazaŭ nam pra svaju znakamituju frazu, skazanuju padčas adnoj ź sielektarnych narad. Tady brescki hubiernatar adznačyŭ, što Łukašenka «krychu vyšejšy za Boha». Dziakujučy toj frazie jon i prasłaviŭsia.
«Frazu hetuju ŭtryravali. Ja mieŭ na ŭvazie, što Alaksandr Ryhoravič najbližej jak čałaviek, ź jakim možna sustrakacca, rašać zadačy. Naš «Brescki kurjer» užo niejak pisaŭ: ludzi dobryja, nie majciesia durnym, chopić užo absmoktvać hetuju frazu.
U mianie byŭ i jość prezident, jakoha ja pavažaju, ź jakim u mianie vielmi šmat usiaho źviazanaha. I kali byŭ deputatam, i kali byŭ u Kamitecie dziaržaŭnaha kantrolu, i ministram pa padatkach i zborach, amal adzinaccać hadoŭ hubiernataram, tamu ja rady tamu času, jaki pravioŭ razam z prezidentam», — kaža Kanstancin Sumar.
***
Kanstancin Sumar
Naradziŭsia ŭ 1949 u vioscy Vičyn na Łuninieččynie. Zakončyŭ Hrodzienski sielskahaspadarčy instytut (1973), Minskuju vyšejšuju partyjnuju škołu (1977). Pracavaŭ ahranomam, staršynioj kałhasa, u Łuninieckim i Bresckim rajvykankamach. U 1996—1998 — namieśnik staršyni Dziaržkantrolu. U 1998—2000 — pieršy namieśnik staršyni Minabłvykankama, u 2000—2004 — ministr padatkaŭ i zboraŭ. Staršynia Bresckaha abłvykankama (2004-2014).
Zahinuŭ biełaruski dobraachvotnik Vasil «Dzir» Rapicki11
Kamientary