Madel plus size Jaŭhienija Ciulenieva: «Mahčyma, ja padam zajaŭku na «Jeŭrabačańnie»
Hierainiaj našaj štotydniovaj rubryki «Piać rečaŭ» stała biełaruskaja madel plus size Jaŭhienija Ciulenieva. My sustrelisia ŭ jaje doma. Dźviery adkryła jarka-ryžaja Jaŭhienija ŭ jarkaj smarahdavaj sukiency. Za Jaŭhienijaj vybieh hryfon Žadzi.
«Voś heta adrazu dźvie maje lubimyja «rečy» — ułasnaja kvatera i sabaka. Ale tak ža nielha, tak? — pytajecca Ženia i zalivajecca śmiecham».
Jaŭhienija hod tamu vyrašyła kruta źmianić svajo žyćcio. I kresła dyrektara inžynirynhavaj kampanii źmianiła na mižnarodny podyum konkursu pryhažości ŭ Sinhapury, ź jakoha pryviezła karonu i tytuł vice-mis.
«Pamiž razumnymi i pryhožymi ja zaŭsiody była razumnaj. Vučyłasia ŭ matematyčnym kłasie, paśla ŭ Licei BDU, paśla fakultet prykładnoj matematyki, jurydyčny fakultet BDU, mahistratura, pracavała ŭ dastatkova surjoznaj enierhietyčnaj śfiery. A ŭ 30 hadoŭ akazałasia, što Jaŭhienija damahłasia ŭsich metaŭ, jakija staviła pierad saboj u 25 hadoŭ.
«Ja zadumałasia pra toje, što ŭsie maje mety byli źviazanyja z karjeraj dy finansami. I hetaha mnie padałosia mała. Ja nie stamiłasia, ja prosta emacyjna vyharała».
U adzin dzień Ženia vyrašyła być nie tolki razumnaj, ale i pryhožaj. Spačatku amal hod nie tolki pracavała, jak raniej, ale vučyłasia rabić niešta ŭ svajo zadavalnieńnie: zajmałasia vakałam, padarožničała, źmianiła imidž. A jašče praz hod źmianiła svajo žyćcio kardynalna, stała rabić rečy, na katoryja raniej nie chapała času, abo tyja, jakija ličyła dla siabie niedapuščalnymi. Vypadkova padała zajaŭku na konkurs, vypadkova jaje zaŭvažyli.
«I papraviłasia za hety hod śpiecyjalna jašče na 20 kiłahramaŭ. I mnie tak heta padabajecca! Ja adčuvaju siabie ščaślivaj i pryhožaj. Ciapier ja sapraŭdy bodypazityŭnaja. Bodypazityŭ — heta pryniaćcie siabie, svaich niedachopaŭ, ale nie ich kultyvavańnie. Nu nie pamieram popy charakteryzujecca asoba i pryhažość!»
Sukienka dla maładoj žančyny
«Ciapier isnujuć dva kulty: maładości i fihury. Usie chočuć być maładymi i strojnymi. A mnie 33 hady i ja ŭžo nie dziaŭčyna, a pryhožaja maładaja žančyna. Heta duraść, liču, maładzicca i chavać uzrost. I sukienka taja, što na mnie, jak raz dazvalaje mnie być saboj: intelektualnaj, elehantnaj, žanockaj. Mnie vielmi pryjemna, što ja stała natchnialnicaj stvareńnia pieršaj u Biełarusi kalekcyi viačernich sukienak dla dam pyšnych formaŭ doma mody «Junona». Kalekcyja vyjdzie vosieńniu. Darečy, na mnie ich sukienka».
Jaŭhienija zadumałasia na siekundu i dadaje: «Uzrost svoj ja nie chavaju, chacia na sajcie znajomstvaŭ napisana, što mnie 30. Tak praściej znajomicca! Ale prašu vas, nikomu pra heta nie kažycie», — śmiajecca Ženia.
Miedal za płavańnie
Miedal za płavańnie Jaŭhienija ličyć bolšym svaim dasiahnieńniem, čym karona vice-mis. Karona, darečy, zachoŭvajecca na palicy, na vidnym miescy.
«Ja jaje pałamała. Viezła z konkursu ŭ čamadanie, a rečaŭ było šmat, try sukienki ŭ čachłach. Adna z sukienak važyła 7 kiłahramaŭ, ujaŭlajecie sabie! Dyk voś karonu ja pakłała ŭ hety čachoł. I vidać, sieła na čamadan, — kaža Jaŭhienija i znoŭ zalivajecca śmiecham. — Zatoje mahu skazać z upeŭnienaściu: karony konkursaŭ pryhažości nie vytrymlivajuć vahu madelaŭ plus size».
A zavajavać miedal pa płavańni Ženi dapamahli złyja kamientary paśla jaje ŭdziełu ŭ konkursie.
«Adrazu paśla publikacyi stolki niehatyvu źjaviłasia. Pisali, što fu, strašnaja, tłustaja, što spartyŭnaj zały zrodu nie bačyła. A ja zajmałasia ŭsio žyćcio sportam! I mnie zachaciełasia dakazać, što ja nie prosta tam płavaju ci chadžu ŭ trenažornuju zału, ale mahu zrabić toje, što nie zrobiać inšyja. Adrazu zapisałasia ŭ škołu płavańnia «ISWIM». Paśla niekalkich miesiacaŭ trenirovak ja navučyłasia płavać krolem i prapłyła volnym stylem piać kiłamietraŭ z łastami. Zapłyŭ byŭ u Marseli 23 červienia z zamka If pa śladach hrafa Monte Krysta. A 26 žniŭnia papłyvu na Minskim mory 6 kiłamietraŭ, ale biez łastaŭ, na «ISWIM OPEN MINSK». Tamu miedal — heta moj napamin pra toje, što kali źnikaje viera ŭ siabie, treba stavić novyja mety i dasiahać ich.
Karcina, jakuju kupiła ŭ nahruzku da kvatery
«Hetuju karcinu ja kupiła razam z kvateraj. Heta i była ŭmovaj, papiarednim haspadaram ja tak i skazała: kali karcina zastaniecca na ścianie, ja kvateru kuplaju. Papiarednija haspadary kvatery skazali, što aŭtar znakamity bielhijski mastak, ale ja jaho tak i nie zmahła znajści ŭ internecie».
Taksama Jaŭhienii razam z kvateraj dastałasia karcina viadomaha biełaruskaha mastaka Siarhieja Hrynieviča.
«Ja chadziła na vystavy sučasnaha mastactva, vybirała karciny, ale paviesić nie było kudy. U tym liku razhladała raboty Siarhieja Hrynieviča, a pryjšła hladzieć kvateru, a tut užo visieła jaho karcina. Byvaje ž».
Śmietnica. Kab nie zabyvacca pra razdielny zbor śmiećcia
«Heta realnaja śmietnica, vykarystoŭvaju ja jaje pa pryznačeńni. A kupiła jaje ŭ Miłanie, u svaju pieršuju zamiežnuju pajezdku. A prablema śmiećcia realna isnuje. Ja pra heta zadumałasia, kali pierajechała ŭ dom na čaćviortym paviersie bieź śmiećciepravoda. Kožny dzień vynosicca niejkaja niejmaviernaja kolkaść płastykavych pakietaŭ. Tamu ŭ mahazinie prašu mnie pradukty składać u adzin pakiet, kali kuplaju časnok, bakłažan, pierac. Chadžu za praduktami z ułasnaj eka-sumkaj.
Ja nie siadžu ŭ internecie, ja błohier
«Mianie siabry zaŭsiody paprakali ŭ tym, što ja złoŭžyvaju sacsietkami. Što nie paśpiejem my kudyści zajści, jak fotački ŭžo palacieli ŭ fejsbuk. A paśla Sinhapura, kali ja raskazvała ŭ sacsietkach pra konkurs i pra krainu naohuł, mnie stali pisać nieznajomyja ludzi, što ŭ mianie cikavy błoh».
«I ja takaja svaim siabram: «O, ja nie prosta zalipaju ŭ sacsietkach, ja viadu błoh, a značyć, heta praca, a nie zaležnaść, a pracahalizm u našaj krainie nie asudžajecca».
A paśla Jaŭhienii kampanija «Vełkom» zrabiła śpiecyjalnuju prapanovu dla błohieraŭ, paprasiła pratestavać ich novy siervis i vykazać svajo mierkavańnie.
Siońnia ŭ Jaŭhienii 1200 padpisčykaŭ ŭ instahramie i 5000 u fejsbuku.
«A ŭ mianie jość lubimy chešteh #otmienimponiedielnik. Im ja vybiešvaju svaich siabroŭ, kali ŭ 11 ranicy ŭ paniadziełak vyviešvaju fota z kielicham šampanskaha. I siabroŭki, darečy, raili piataj lubimaj rečču vybrać kielichi. Ja vielmi lublu pryhožy posud, kryštal».
Pra płany na budučyniu Jaŭhienija adkazała tak:
«Što budu rabić dalej? Ja napierad nie zahadvaju! Ja dakładna viedaju, što žyćcio moža źmianicca kardynalna ŭsiaho za hod. I ja hatovaja da luboha varyjantu! Mahčyma, viarnusia na pracu ŭ ofis, a mahčyma, padam zajaŭku na «Jeŭrabačańnie».
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu8
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary