Ministerstva kultury abviarhaje słovy ŭładalnika restarana ŭ Kurapatach
Ministerstva kultury nie atrymlivała ŭ 2012 hodzie zvarotu kampanii «BiełRestInviest», u jakim ciapierašnija ŭładalniki restarana «Pajedziem, pajadzim» prapanoŭvali prafinansavać stvareńnie miemaryjalnaha kompleksu ŭ Kurapatach. Pra heta havorycca ŭ aficyjnym adkazie Minkulta na zapyt Tut.by.
Nahadajem, 20 lipienia padčas sustrečy z žurnalistami saŭładalnik restarana «Pajedziem, pajadzim» Leanid Zajdes skazaŭ, što ŭ 2012 hodzie kampanija adpraŭlała ŭ Minkult list z prapanovaj prafinansavać stvareńnie va ŭročyščy miemaryjała. I navat adznačała aryjencirovačny abjom inviestycyj, jaki hatovy byli ŭkłaści ŭ raźvićcio miemaryjalnaha kompleksu, — 1 miljard niedaminavanych rubloŭ. Tady ž Zajdes adznačyŭ, što realizavać hety prajekt nie atrymałasia, «i nie pa našaj vinie».
Ale ŭ Minkulcie kažuć, što ŭ 2012 hodzie padobnaha zvarotu nie atrymlivali.
«Usie ŭvachodnyja dakumienty ŭ abaviazkovym paradku rehistrujucca ŭ adździele arhanizacyjnaj raboty i dakumientazvarotu Ministerstva kultury. Pa vynikach pravierki vyjaŭlena, što ŭ sistemie aŭtamatyzacyi spravavodstva i elektronnaha spravavodstva «Sprava» Ministerstva kultury zvarot «BiełRestInviest» ad 2012/11/13 № 110 nie zarehistravana», — havorycca ŭ adkazie ministerstva.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary