Čarhovyja tryźnieńni i biazhłuździca ad «Niazyhara»: U Minsku paničny nastroj pierad pryjezdam Babiča
Telehram-kanał «Niazyhar», jaki raniej śpiecyjalizavaŭsia na rasijskaj palitycy, staŭ usio bolej pryśviačać svaich dopisaŭ Biełarusi. Blizkaja da Kramla krynica stanovicca ŭsio bolej padobnaj da «Rehnuma» ci «Sputnika i pahroma».
Padajecca, što pra Biełaruś «Niazyhar» piša, absalutna nie razumiejučy śpiecyfiku krainy, majučy metaj nahnać niejkich strašyłak. Voś i čarhovuju «analityku» inakš jak tryźnieńniem ciažka nazvać.
«U Minsku paničny nastroj u suviazi z čakanym prybyćciom Michaiła Babiča. Ź im jedzie hrupa vysakakłasnych analitykaŭ, u Maskvie stvarajecca štab. Prazachodni kłan uhavorvaje Łukašenku prajavić charaktar i nie prymać novaha pasła. Na siamiejnaj radzie abmiarkoŭvali daterminovyja prezidenckija vybary viasnoj 2019 hoda, pakul Maskva nie razvarušyłasia.
Nacyjanalistyčnyja litoŭska-polskija sajty vydajuć strašyłki pra płany Kramla zładzić «majdan», abo zusim paŭtaryć krymski scenar. U KDB Biełarusi šukajuć Niazyhara. Na hetym fonie surjozna zaniepakojeny Zachad. Aktyvizavali pracu z aktyvistami. Padklučyli bajevikoŭ z Ukrainy. U Vašynhton pa padtrymku lotaŭ namieśnik Makieja. A ŭ Rasiju inkohnita začaścili na kansultacyi biełaruskija apazicyjaniery i nie tolki. Biełaruskaja namienkłatura zataiŭšy dychańnie naziraje za «rukoj Maskvy». Na nastupnym tydni Prezident čakaje Łukašenku ŭ Sočy», — piša Niazyhar.
Niejki zbor štampaŭ kštałtu «litoŭska-polskija sajty», «bajeviki z Ukrainy», kaniečnie ž, Makiej, padtrymka ZŠA. Voś tak i atrymlivajecca, što kaliści pavažanaja krynica pa źlivach z Kramla pieraŭtvaryłasia ŭ «na što fantazii chapiła, toje i napisali».
Zrešty, navat za hetaj biazhłuździcaj mohuć naziracca tyja rečy, jakija Maskva choča atrymać ad Biełarusi najbližejšym časam: kantrol nad unutrybiełaruskimi hazavymi sietkami, a taksama sumiesny mytny kantrol na miažy.
Naprykancy «Niezyhar» prajšoŭsia pa zdaroŭi Alaksandra Łukašenki, kab stvaryć uražańnie, što kiraŭnik Biełarusi zusim słaby: «Łukašenka ŭžo nie toj. Šmat śpić, biaźmierna jeść i pracuje 4—5 hadzin na dzień. Cukrovy dyjabiet, cisk, nohi. Mocna zdaŭ za apošnija dva hady».
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary