Hienry Ŭiljamu Olinhchemu 112 hadoŭ. Jon hłuchi, ślapy i ruchajecca ŭ invalidnym vazku. Jon — najstarejšy mužčyna ŭ Eŭropie - veteran Pieršaj suśvietnaj vajny.
U 2004 hodzie, kali adznačałasia 90‑hodździe jaje pačatku, ich było 23.
U Złučanym Karaleŭstvie Pieršuju suśvietnuju nazyvajuć prosta Vialikaj vajnoj. U narodnaj pamiaci jana zajmaje našmat bolš značnaje miesca, čym Druhaja suśvietnaja. U 1939—1945 hadach kraina zhubiła 393 740 čałaviek (razam ź mirnymi žycharami i marakami), u 1914—1918 — 811 410 čałaviek. 1 młn. 662 tys. 625 brytancaŭ byli paranienyja.
Tamu Dzień veteranaŭ, kali ŭšanoŭvajuć pamiać usich zahinułych va ŭsich vojnach, što viała Vialikabrytanija, prymierkavany da 11 listapada —dniu Kampjenskaha pieramirja, što pakłała kaniec Pieršaj suśvietnaj vajnie.
U aŭtorak hetaj padziei spaŭniajecca 90 hadoŭ.
Jak zaŭsiody, vakoł Kienatafu — manumentu na Ŭajtchole ŭ Londanie — uźnikaje dyvan z čyrvonych makaŭ. U cyrymonii prymuć udzieł karaleva Elizabet II i try brytanskija veterany, jakija zastalisia žyvymi —110‑hadovy piechaciniec Hary Petč, 108‑hadovy marak Ŭiljam Stoŭn i avijatar Hienry Olinhchem.
Napiaredadni śviata Olinhchem źjaviŭsia na publicy. Jon udzielničaŭ u adkryćci vystavy aeraplanaŭ časoŭ pieršaj suśvietnaj vajny ŭ Muzei Karaleŭskich VPS i daŭ nievialikaje interviju telekampanii IPTN.
Olinhchem słužyŭ avijamechanikam u marskoj avijacyi, u 1916 h. piłatavaŭ hidrapłan‑vyviednik padčas znakamitaha Jutłandzkaha boju, a potym nakiravaŭsia ŭ Francyju, dzie jamu daviałosia ŭdzielničać u naziemnych bajach padčas bitvy na Somie.
Tam Olinhchem nahladzieŭsia takich žachaŭ, što ŭsio žyćcio hnaŭ ad siabie ŭspaminy pra vajnu.
Tolki apynuŭšysia adnym z apošnich vidavočcaŭ Vialikaj vajny, Olinhchem pahadziŭsia nadyktavać na mahnitafon svaje ŭspaminy, jakija byli vydadzienyja ŭ vyhladzie knihi pad nazvaj «Apošni dobraachvotnik Kitčeniera» [brytanski feldmaršał, vajenny ministar padčas Pieršaj suśvietnaj vajny].
«Vielmi važna toje, što jany [udzielniki Pieršaj suśvietnaj vajny] nia buduć zabytyja. I kožny adčuvaje da ich vialikuju ŭdziačnaść. I nichto nia moža być praźmierna ŭdziačnym za toje, što hetyja ludzi zrabili dla jaho», — z namahańniem vyhavorvajučy słovy, skazaŭ jon karespandentu.
Suśvietnaja bojnia
Pavodle aficyjnych źviestak, u Pieršaj suśvietnaj vajnie zahinuli 9 młn. 996 tys. 769 vajskoŭcaŭ i 6 młn. 702 tys. 387 cyvilnych asobaŭ. Samyja vialikija straty paniesła Rasieja — 2 młn. 311 tys. čałaviek.
Kolkaść mabilizavanych pieravysiła 71 młn. čałaviek.
Siońnia ŭ śviecie zastałasia 10 udzielnikaŭ Vialikaj vajny — pa try ŭ Aŭstralii, Brytanii i ZŠA, i adzin na Ukrainie.
Samy starejšy ź ich — Hienry Olinhchem, małodšy — 104‑hadovy amerykaniec Ŭiljam Olin.
Adzinamu veteranu Pieršaj suśvietnaj vajny ŭ byłym SSSR, žycharu Daniecku Michaiłu Jafimaviču Kryčeŭskamu 111 hadoŭ.
U kastryčniku 1917 hodu jon skončyŭ paskorany kurs Kijeŭskaha vajenna‑inžyniernaj vučelni, atrymaŭ zvańnie praparščyka i byŭ nakiravany na Halicyjski front, ale ŭ suviazi ź viadomymi padziejami pryniać udzieł u bajach nie paśpieŭ.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki26
Kamientary