U sieradu, 8 žniŭnia, u Adesie admianili vystupleńnie Śviatłany Aleksijevič u suviazi pahrozami ŭ jaje adras.
«Ja daviedałasia, što pastupajuć pahrozy arhanizataram siońniašniaj našaj sustrečy i mnie asabista, abvinavačvajučy mianie ŭ nadumanych kryŭdach u bok ukraincaŭ. Hetaha nijak nie moža być, tamu što maja maci ŭkrainka, i naradziłasia ja va Ukrainie, i zaŭsiody ja adčuvała ŭ sabie ŭkrainskuju kroŭ. Ale dziela našaj ahulnaj biaśpieki siońniašniaj sustrečy nie budzie. My jaje admienim», — skazała Aleksijevič.
Arhanizatary sustrečy — «Zialony teatr» — rastłumačyli, što za čatyry hadziny da vystupleńnia Śviatłana Aleksijevič była zaniesienaja ŭ bazu danych «Miratvorac» za «prapahandu, nakiravanuju na raspalvańnie mižnacyjanalnaj varožaści, i manipulavańnie hramadska značnaj infarmacyjaj» padčas vystupu ŭ Bruklinie ŭ 2016 hodzie. Prykładna ŭ 18:30 jaje ŭžo vydalili sa śpisu «Miratvorca».
«Nobieleŭski łaŭreat dała zrazumieć, što vystup u takoj atmaśfiery budzie dla jaje niekamfortnym. Dla kamandy «Zialonaha teatra» taksama nieprymalna ryzykavać. Dyjałohi sa Śviatłanaj Aleksijevič admianiajucca, my prynosim vybačeńni za niazručnaści», — dadali arhanizatary.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ18
Kamientary