Padpisany Donaldam Trampam vajenny biudžet u 716 młrd dalaraŭ praduhledžvaje zamarožvańnie srodkaŭ na prahramu «Adkrytaje nieba». Jana praduhledžvaje naziralnyja paloty vajskoŭcaŭ nad terytoryjaj ZŠA i Rasii, piša RBK.
Punkt 1242 zaćvierdžanaha Kanhresam ZŠA i padpisanaha prezidentam Donaldam Trampam biudžetu Pientahona praduhledžvaje admovu ad vydzialeńnia hrošaj na finansavańnia Damovy pa adkrytym niebie. Adkaznaść za zamarožvańnie pahadnieńnia amierykanski bok uskłaŭ na Rasiju.
U vajennym biudžecie pakazvajecca, što nivodny z fondaŭ nie moža być vykarystany u 2019 hodzie dla vykanańnia naziralnych palotaŭ. Pakazvajecca, što abmiežavańnie moža być źniata ŭ vypadku, kali prezident ZŠA pradastavić adpaviednym kamitetam kanhresa siertyfikat, u jakim budzie iści razmova ab vykanańni Rasijaj umoŭ pahadnieńnia.
U dakumiencie zajaŭlajecca, što mienavita Rasija niasie adkaznaść za nievykanańnie ŭmoŭ Dahavora pa adkrytym niebie. U pryvatnaści, Maskva pavinna, na dumku aŭtaraŭ biudžetu, admovicca ad infračyrvonych datčykaŭ, a taksama radyjołakacyjnaha sintezavańnia apiertury pry palotach nad ZŠA i ES, nie vykarystoŭvać atrymanyja pry vykanańni palotaŭ dadzienyja ŭ raźviedvalnych metach, tłumačyć, ź jakoj metaj ździajśniajucca abloty tych ci inšych terytoryj.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary