Ź leta 2018 hoda ŭdzielniki ŭkrainskaha miedyjarynku pačali adznačać, što ŭ efiry papularnaha infarmacyjnaha kanała 112 pačali čaściej zhadvać u pazityŭnym rečyščy lidara prarasijskaha ruchu «Ukrainski vybar» Viktara Miedźviadčuka, jaki źjaŭlajecca kumam Pucina, u vyniku čaho źjavilisia zdahadki pra nabyćcio im telekanała. Sam kum kiraŭnika Kramla Uładzimira Pucina svajo dačynieńnie da kupli admaŭlaje, pieradaje Radyjo Svaboda.
Aficyjna novym uładalnikam kanała staŭ niemiec Jeduard Katc.
Pavodle žurnalistaŭ prahramy Schiemy, jon pražyvaje ŭ adnoj z addalenych viosak niamieckaj hłybinki, dzie razam z žonkaj zajmajecca pieraprodažam starych aŭtamabilaŭ.
U toj ža čas novaje kiraŭnictva 112 Ukraina, jakoje źjaviłasia na kanale z hetaha leta, maje ciesnyja suviazi z palityčnaj siłaj Miedźviadčuka.
Suviaź pamiž 112 Ukraina i Miedźviadčukom prasočvajecca taksama praz kantent.
Efir kanała ź leta maje šmat jaho cytat, a pa zajavach «Ukrainskaha vybaru» robiacca asobnyja naviny.
Pakazalnym taksama źjaŭlajecca i toje, što svaju prahramu na kanale atrymaŭ adkryty prakramloŭski prapahandyst Dzianis Žarkich.
Na dumku žurnalistaŭ, z dapamohaj 112 Ukraina Miedźviadčuk vyrašaŭ viarnucca ŭ publičnuju palityku napiaredadni vybaraŭ 2019 hoda.
U pryvatnaści, u pačatku žniŭnia stała viadoma, što Miedźviadčuk dałučyŭsia da partyi «Za žyćcio» Vadzima Rabinoviča, jakaja sprabuje trapić u nastupny parłamient, raźličvajučy na šyrokuju padtrymku paŭdniova-ŭschodniaha elektaratu.
Kamientary