Minskaja architektarka prapanuje zabudavać Kastryčnickuju płošču: «Stolki pustoha miesca ŭ centry»
Z radykalnaj prapanovaj vystupiła ŭ svaim fejsbuku architektarka Alaksandra Bajaryna.
Kastryčnicki plac nie pracuje, z hetym pahodziacca amal usie. Jon zaŭsiody pusty. Padajecca, nichto nie pamiataje ŭžo, jak možna vykarystoŭvać stolki pustoha miesca ŭ centry horada. Vyklučeńnie — katok vakoł jełki, bo prosta jełka tam taksama nie pracuje. A kirmašam ź bielašami i miachami bulby na hetym placy nie miesca. I kirmašam sa školnaj formaj taksama.
Jašče Kastryčnicki plac sapsavany, i nichto nie viedaje, jak heta vypravić. Pałac Respubliki tak i nie dałučyŭsia da ansamblu praśpiekta. Budynak «Dany» kančatkova zrobić niepryvabnym hety plac.
Maja prapanova mahčyma padasca žorstkaj, ale heta ŭsiaho tolki architekturnaja kancepcyja.
Prapanuju pabudavać tut HUM-2. Možna nazvać budynak NUK — najhałoŭnaja ŭniviersalnaja krama.
Ujavicie sabie, što vy jedziecie pa praśpiekcie i zamiest placa naŭprost praciahvajecca zabudova praśpiekta, zamiest placa staić jašče adzin taki ž kvartał, jak humaŭski. Davierym prajekt sučasnym Hiehartu i Mielehi, jakija stvorać imitacyju paślavajennaj zabudovy. Pamiž NUKam i Pałacam Respubliki možna pakinuć mietraŭ 20 dla zajezdu aŭtobusaŭ.
Unutry NUKa moža raźmiaščacca i katok. Tut, narešcie, znojdziecca miesca dla 4-paviarchovaj knižnaj kramy. A hałoŭnuju jełku krainy možna stavić kala Ratušy ci kala Placa Ściaha.
Kamientary