Kiraŭnik MZS Aŭstryi Karyn Knajsl upieršyniu raskazała padrabiaznaści taho, jak išła sprava z zaprašeńniem na jaje viasielle prezidenta Rasii Uładzimira Pucina.
Pavodle Knajsl, u pačatku červienia jana «zaprasiła kalehaŭ z urada i, viadoma ž, fiederalnaha prezidenta [Aŭstryi], tamu što tak treba», pryvodzić vytrymki ź jaje zajaŭ aŭstryjskaje vydańnie Oberösterreichische Nachrichten. Uviečary 5 červienia, kali rasijski lidar byŭ ź vizitam u Vienie, pa słovach Knajsl, jana «absalutna spantanna» zaprasiła i jaho z namieram «pakazać jamu svajho žanicha». 19 lipienia ministr daviedałasia, što Pucin pahadziŭsia naviedać viasielle, čaho jana «zusim nie čakała».
Jak udakładniła Knajsl, viasielle płanavałasia jak «pryvatnaje mierapryjemstva» i, niahledziačy na vizit rasijskaha lidara, jaki patrabavaŭ pavyšanych mier biaśpieki, śviata ŭsio roŭna zachavała pryvatny charaktar.
Kamientary