Čatyrochrazovy alimpijski čempijon pa bijatłonie Alaksandr Cichanaŭ zajaviŭ, što bolš nie žadaje žyć u Rasii.
«Ja nie chaču ŭ Rasii bolš być, tamu žyvu ŭ Biełarusi, narmalna ŭsio, dobra. Čym dalej ad rasijskich plotak, tym lepš», — skazaŭ Cichanaŭ karespandentu Sport24.
Paźniej u intervju haziecie «Sovietskij sport» Cichanaŭ zajaviŭ, što Rasiju daŭno para adchilić ad mižnarodnych spabornictvaŭ.
«Ja liču, što nas daŭno treba było vyhnać z suśvietnaha bijatłona», — skazaŭ Cichanaŭ. Jon dadaŭ, što nieadnarazova sprabavaŭ paŭpłyvać na situacyju, ale ciapierašniaje kiraŭnictva Sajuza bijatłanistaŭ Rasii jaho nie pačuła.
Cichanaŭ taksama nie pryznaŭ teoryju, što historyja maje palityčny kantekst: «Kali havorać pra palityčny zakaz — heta ŭsio hłupstva. Šmat hadoŭ tamu, kali vystupaŭ pierad alimpijskim schodam, ja kazaŭ: «Nadydzie dzień, kali my źniasłavimsia na ŭvieś śviet». Jon nadyšoŭ», — skazaŭ śpiecyjalist.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB1
Kamientary