Na Kamaroŭcy pastavili aŭtamaty, jakija za 2 rubli naljuć litr myjnaha srodku ŭ vašu taru FOTA
Na Kamaroŭcy źjavilisia novyja aŭtamaty, jakija nalivajuć srodak dla myćcia posudu i hiel dla myćcia ŭ słoik ci butelku, jakuju pakupnik prynios z saboj. «Uziaŭ svaju taru z chaty, padyšoŭ, dva rubli kinuŭ — i atrymaŭ litr hielu dla myćcia», — raspaviadajuć pakupniki. Pakul što aŭtamaty pracujuć u testavym režymie.
Aŭtamaty zusim niadaŭna źjavilisia na rynku. Ideja ŭ tym, kab nie płacić kožny raz za butelku, a nalivać hiel dla myćcia i srodak dla myćcia posudu ŭ adnu i tuju ž taru.
— Płastykavaja butelka z etykietkaj i nakryŭkaj kaštuje 1,8 rubla. To bok, hetuju sumu my kožny raz płacim vytvorcu za toje, što potym vykiniem. Ale butelka viečnaja, joj možna karystacca vielmi doŭha. Ciapier na Kamaroŭku možna pryjści sa svajoj butelkaj i nalić u jaje litr patrebnaha srodku ŭsiaho za 2 rubli, — raspaviadaje ŭładalnik aŭtamataŭ. — Heta jak u SSSR śmiatanu, zhuščonku pradavali na raźliŭ.
Aŭtamaty dobryja nie tolki dla kašalka, ale i dla ekałohii. Bo płastyk raskładajecca stahodździami. Čym mienš jaho budzie, tym lepš.
Pakul što takija aŭtamaty jość tolki na Kamaroŭcy. Ale kali minčukam spadabajecca ideja, heta budzie cełaja sietka. Nalić hiel ci srodak dla myćcia posudu možna budzie ŭva ŭsich spalnych rajonach horada.
Pakul što aŭtamaty pracujuć u testavym režymie. Jość niekatoryja techničnyja składanaści. Ale ich haspadar kaža, što na praciahu tydnia-dvuch usio zapracuje.
Kamientary