U pieršyja chviliny raboty biržy NASDAQ u piatnicu cana akcyj kampanii Tesla abvaliŭsia bolš čym na 10%. Papiaredniaja siesija začynilisia na ŭzroŭni $ 280,95 za akcyju. Na adkryćci tarhoŭ 7 vieraśnia adna akcyja Tesla kaštavała $ 260,32. Na minimumie padzieńnie skłała bolš za 10%, akcyi patańnieli na $28, a najmienšaja zafiksavanaja kaciroŭka była roŭnaja $ 252,39.
Paźniej akcyi krychu padraśli.
Na takim nizkim uzroŭni akcyi Tesla apošni raz tarhavalisia ŭ krasaviku 2018 hoda paśla krytyčnych zaŭvah ad Nacyjanalnaha savieta pa biaśpiecy transpartu ZŠA ab DTZ sa śmiarotnym vynikam, jakoje adbyłosia 23 sakavika. Tady elektramabil Model X jechaŭ u režymie aŭtapiłota i ŭrezaŭsia ŭ adbojnik na šašy ŭ Mauncin-Vju (Kalifornija), ad atrymanych traŭmaŭ kiroŭca pamior.
Piatnicki abvał adbyŭsia paśla skandalnaha intervju Maska viadučamu kamiedyjnaha internet-šou Džo Rohanu. Razmova ŭ pramym efiry doŭžyłasia bolš za dźvie hadziny, padčas jaje surazmoŭcy pili viski. Akramia taho, viadučy prapanavaŭ Masku pakuryć sumieś tytuniu i marychuany. Mask pahadziŭsia i skazaŭ, što palić marychuanu redka, bo jana nie akazvaje na jaho nijakaha ŭździejańnia.
«Zdajecca, ja sprabavaŭ kaliści», — śmiejučysia, rastłumačyŭ Mask. Viadučy vykazaŭ aściarohu, što toj, imavierna, nie advažycca pakuryć samakrutku z-za mahčymaj reakcyi akcyjanieraŭ. Adnak paśla zapeŭnivańnia viadučaha, što na terytoryi Kalifornii, dzie zdymałasia intervju, kureńnie marychuany nie źjaŭlajecca złačynstvam, Mask zrabiŭ niekalki zaciažak. Pa jaho mimicy było vidać, što i hetym razam miljarder ničoha asablivaha nie adčuŭ.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty21
Kamientary