Kreml naziraje za druhim turaŭ vybaraŭ u Prymorskim krai, zajaviŭ pres-sakratar prezidenta Dźmitryj Piaskoŭ. Jon zaklikaŭ «aryjentavacca na Centralnuju vybarčuju kamisiju».
«Pakul aryjentujciesia na ŭsie zajavy z CVK. Hałoŭnaje — heta CVK, usie zajavy zrobleny», — adkazaŭ Piaskoŭ na prośbu prakamientavać situacyju ŭ rehijonie.
Druhi tur vybaraŭ hubiernatara Prymorskaha kraja adbyŭsia 16 vieraśnia. Pa dadzienych krajovaj vybarčaj kamisii, paśla padliku 95% hałasoŭ kandydat ad KPRF Andrej Iščanka lidziravaŭ. Adnak paśla taho, jak paličyli 99% adsotkaŭ biuleteniaŭ, akazałasia, što Iščanka prajhraje kandydatu ad «Adzinaj Rasiei» i dziejnamu v.a. hubiernatara Andreju Tarasienku.
KPRF abvinavaciła ŭłady ŭ falsifikacyjach i prystrašyła masavymi pratestami. Sam Iščanka abviaściŭ ab pačatku biesterminovaj haładoŭki i źviarnuŭsia da žycharoŭ Uładzivastoka z zaklikam sabracca z patrabavańniem sumlennych vybaraŭ. U štabie Tarasienki, sa svajho boku, taksama abvinavacili KPRF u parušeńniach: u «skupcy» hałasoŭ na vybarach i stvareńni pieraškod dla padliku.
Kiraŭnik CVK Eła Pamfiłava zajaviła, što ŭ Prymorji budzie nakiravanaja kamisija dla zboru faktaŭ. «U najbližejšyja dni my vyvučym usie dakumienty, jakija pastupiać z Prymorja, pa vynikach adrazu budzie nakiravana tudy naša kamisija, kab jašče na miescy paćvierdzić ci niejkija fakty sabrać», - zajaviła jana ŭ efiry radyjostancyi «Echo Moskvy»
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary