Biełaruskaja fiederacyja futboła (ABFF) pa śladach incydentaŭ padčas vieraśnioŭskich matčaŭ Lihi nacyj z San-Maryna ŭ Minsku 8 vieraśnia i Małdovaj 12 vieraśnia vystupiła sa zvarotam da aktyŭnych zaŭziataraŭ.
ABFF dziakuje zaŭziataram za padtrymku, ale «vymušana z žalem kanstatavać: 8 vieraśnia na stadyjonie «Dynama» na siektary «V12» aktyŭnym jadrom zaŭziatary skandavali palityčnuju kryčałku i vykarystoŭvalisia piratechničnyja vyraby. Supraćpraŭnyja dziejańni delehat UEFA zafiksavaŭ i ŭ chodzie vyjaznoj hulni «nacyjanałki» u Kišyniovie 11 vieraśnia. U vyniku ź vialikaj dolaj vierahodnaści pa vynikach pasiadžeńnia dyscyplinarnych orhanaŭ UEFA na ABFF buduć nakładzienyja sankcyi», — zaznačajecca ŭ zvarocie fiederacyi.
«My i raniej padkreślivali niedapuščalnaść raspalvańnia nacyjanalnaj, relihijnaj varožaści abo roźni, prapahandy vyklučnaści, pieravahi albo niepaŭnavartasnaści hramadzian pa prykmiecie ich adnosiny da nacyjanalnaj prynaležnaści - i ŭsialak imknulisia zaścierahčy ad čaho-niebudź padobnaha biełaruski futboł. Siońnia ž — u śviatle atrymanych ad UEFA zaŭvah - vymušanyja jašče raz źviarnucca da zaŭziataraŭ», — źviartaje ŭvahu ABFF.
ABFF zaklikaje admovicca ad padobnych incydentaŭ na matčach Lihi nacyj suprać Luksiemburhu i Małdovy, što projduć u Minsku 12 i 15 kastryčnika.
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia23
Kamientary