Hramadstva151151

Minharvykankam: Šyldu da 100-hodździa BNR nie stavim, bo atrymali šmat niehatyŭnych zvarotaŭ ad hramadskaści

Minharvykankam patłumačyŭ, čamu na domie pa adrasie Vaładarskaha, 9 dahetul nie ŭstalavanaja miemaryjalnaja šylda da 100-hodździa abviaščeńnia Biełaruskaj Narodnaj Respubliki.

Staršynia Minharvykankama Andrej Šorac. Čynoŭnik ź Viciebska apynuŭsia ŭ stalicy ŭ 2010 hodzie, kali jaho pieraviali ŭ Ministerstva ŽKH namieśnikam ministra. U 2014 hodzie, užo z pasady ministra, jon pierajšoŭ u «mery» — pryznačanyja staršyni Minharvykankama. Fota Siarhieja Hudzilina.

Nahadajem, dazvoł byŭ dadzieny jašče ŭ sakaviku 2018 hoda, napiaredadni śviatkavańnia 25 Sakavika. Hramada imhnienna sabrała hrošy, patrebnyja na vyrab šyldy. Za niekalki hadzin praz «Tałaku» achviaravali 7500 rubloŭ pry zajaŭlenych 6000 rubloŭ. Atrymaŭsia bronzavy varyjant doški zamiest sastarełaha aryhinału, zroblenaha ŭ 1993 hodzie skulptaram Alesiem Šaternikam.

Fota Radyjo Svaboda

Była navat pryznačana data ŭstanoŭki, adnak paśla Minharvykankam raptoŭna zdaŭ nazad. Pasiedžańnie, na jakim čynoŭniki mielisia zaćvierdzić šyldu, pieranosili šmat razoŭ, u vyniku praz paŭhoda miemaryjalnaja doška tak i nie ŭstalavanaja.

Jakoje tłumačeńnie haradskija ŭłady dajuć ciapier?

«Infarmujem ab tym, što ŭ adras Minharvykankama pastupiŭ šerah zvarotaŭ ad hramadzian Biełarusi i pradstaŭnikoŭ hramadskaści ź niehatyŭnym staŭleńniem da pytańnia ŭstanoŭki pamiatnaj doški pa vulicy Vaładarskaha, 9. Pytańnie ab metazhodnaści pryniaćcia rašeńnia Minharvykankama pa ŭstanoŭcy miemaryjalnaj doški znachodzicca na razhladzie», — havorycca ŭ adkazie, jaki atrymała Biełaruskaja sacyjał-demakratyčnaja partyja (Hramada) ad namieśnika staršyni Minharvykankama Ihara Jurkieviča.

Chto taki Ihar Jurkievič? Heta 41-hadovy doktar, jaki letaś staŭ namieśnikam staršyni Minharvykankama i adkazvaje za sacyjalnuju abaronu, adukacyju, achovu zdaroŭja i ideałohiju. Jurkievič naradziŭsia ŭ Stolinie, skončyŭ Hrodzienski miedycynski ŭniviersitet. Pracavaŭ doktaram u Stolinie, u pryjomnym adździaleńni Minskaj infiekcyjnaj balnicy, namieśnikam hałoŭnaha doktara hetaj ustanovy, hałoŭnym doktaram Dziciačaj infiekcyjnaj balnicy, namieśnikam staršyni kamiteta pa achovie zdaroŭja Minharvykankama, a paśla i staršynioj hetaha kamiteta.

Ihar Jurkievič. Fota Jaŭhiena Jerčaka

Pamočnica Ihara Jurkieviča Asia Biruk paviedamiła, što jaje načalnik znachodzicca ŭ adpačynku, tamu nie zmoža prakamientavać situacyju. Darečy, sama Biruk — aktyvistka «Lihi kamunistyčnaj moładzi».

U pres-słužbie Minharvykankama atrymać kamientar taksama nie ŭdałosia.

Kamientary151

Ciapier čytajuć

U Biełarusi krytyčna padaje naradžalnaść. A jak u susiednich krainach?14

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

Niezvyčajna: pčoły pakryli «chustkaj» skulpturu Baharodzicy ŭ Dziatłavie FOTA9

U Navapołacku RPC adkryje śpiecyjalny chram dla dziaciej3

U Biełarusi ŭvodziać novyja valutnyja abmiežavańni2

Pašynian zaklikaŭ pazbavić pasady Katalikosa ŭsich armian, bo ŭ taho znajšłosia dzicia2

Naściu Rybku prymusili vybačacca za rolik u instahramie. Padpisčyc razzłavała jaje videa z Pucinym13

«Pažyvi ŭ maim domie»: Usik zaprasiŭ Trampa va Ukrainu na tydzień3

U Ałmaty zasnavalnik «biaśpiečnaj ŁHBT-prastory» zhvałciŭ svajho padnačalenaha, pakul toj spaŭ8

Orban: Ruskija razumiejuć tolki movu siły, ale Rasija — nie pahroza dla NATA, bo nie moža spravicca navat z Ukrainaj7

Vyhuł sabak staŭ formaj pratestu ŭ Iranie3

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?14

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić