U Iraku zastrelili 22-hadovuju madel Taru Fares (Tara Phares), jakaja ŭ 2015 hodzie vyjhrała ŭ konkursie «Mis Bahdad». Dziaŭčyna atrymała try kulavyja ranieńni, kali siadzieła ŭ aŭtamabili. Na momant zdareńnia jana znachodziłasia na pasažyrskim siadzieńni — nichto akramia jaje nie paciarpieŭ. U MUS Iraka paviedamili pra pačatak rasśledavańnia.
Fares — adna z hałoŭnych znakamitaściej Iraka, na jaje instahram-akaŭnt padpisanyja 2,6 miljona čałaviek.
Paśla taho, jak Fares vyjhrała konkursy pryhažości «Mis Bahdad» i «Mis Irak» u 2015 hodzie, jana stała tvaram niekalkich viadomych brendaŭ u Jeŭropie. Adnak niekalki miesiacaŭ tamu madel viarnułasia ŭ Bahdad. Šmatlikija zdymki ŭ jaje instahramie vyklikali sprečki ŭ kamientarach i asudžeńnie musulman, asabliva fatahrafija ŭ aŭtamabili, zroblenaja ŭ 2016 hodzie.
Jak adznačyli ŚMI, z-za pravakacyjnych fatahrafij z makijažam i ŭ madelnych sukienkach Fares atrymlivała šmatlikija pahrozy. Madel abvinavačvali ŭ parušeńni maralnych normaŭ i kansiervatyŭnych asnoŭ Iraka.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić6
Kamientary