U Ńju-Jorku adkryłasia ekśpierymientalnaja krama — tut pradajucca tavary, jakim pastavili najbolš łajkaŭ, a ceny ŭvieś čas źmianiajucca
Na palicach — tavary, jakija majuć najbolšy rejtynh u anłajnie.
Zdavałasia, jašče krychu — i handal całkam pačnie pierachodzić u anłajn dziakujučy hihantam internet-biźniesu. Ale apošnim časam nazirajecca i advarotnaja tendencyja. Nadoječy ŭ ńju-jorkskim rajonie Socha adčyniłasia krama Amazon 4-star. U joj pradajucca tavary, jakim klijenty pastavili najbolšuju kolkaść łajkaŭ na sajcie hetaj bujnoj mižnarodnaj handlovaj placoŭki. Tut možna nabyć rečy ad batarejek, plušavych cacak i fitnes-trekieraŭ da kvadrakopteraŭ dy noŭtbukaŭ.
Choć krama i znachodzicca ŭ «afłajnie», to bok u realnym śviecie, u peŭnym sensie jana arhanizavana pa anłajnavym pryncypie. Pa-pieršaje, tut niemahčyma raspłacicca hatoŭkaj — prymajucca tolki kartki.
Usie ceny abnaŭlajucca ŭ režymie realnaha času.
Asartymient raskładzieny pavodle ałharytmaŭ Amazon, jakija bazujucca na ahromnistym masivie dadzienych pra pakupnickija zvyčki dy ŭpadabańni. Voś čamu asobnaje miesca zajmajuć tavary, jakija, pa statystycy, čaściakom kuplajuć u hetaj častcy Ńju-Jorku — takija, naprykład, jak admysłovy blendar za $60 i raman-tryłohija «Šalona zamožnyja azijaty». Kožny tavar maje dva ceńniki — adzin zvyčajny i druhi sa źnižkaj dla karystalnikaŭ admysłovaha siervisu Amazon Prime, a taksama padborku pakupnickich vodhukaŭ z sajtu kampanii.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary