Pavodle ekzarcha ŭsiaje Biełarusi, kali ŭ staražytny čas ludzi bajalisia śmierci cialesnaj, to siońnia isnuje pahroza pahibieli duš čałaviečych, piša Life.ru.
Mitrapalit Minski i Zasłaŭski Pavał zajaviŭ, što Kanstancinopal napadaje na pravasłaŭje ŭ Biełarusi i Rasii. Patryjaršy ekzarch usiaje Biełarusi paraŭnaŭ padziei, što adbyvajucca, sa staražytnymi časami, kali «paŭnočnyja narody, pahancy imknulisia ŭ Kanstancinopal, kab zachapić jaho».
— Siońnia adbyvajecca niešta padobnaje — tolki ź inšaha boku. Našy braty pravasłaŭnyja, jakija žyvuć u Kanstancinopali, rynulisia na našu ziamlu, i siońnia ŭ našaj brackaj ukrainskaj krainie panuje taki ž duch — čakańnie čahości strašnaha, padziełu, — zajaviŭ ekzarch paśla aśviačeńnia patryjarcham Kiryłam chrama-pomnika ŭ honar usich śviatych u Minsku.
Pavodle słoŭ mitrapalita Paŭła, kali ŭ staražytny čas ludzi bajalisia śmierci cialesnaj, to siońnia isnuje pahroza pahibieli duš čałaviečych. Śviatar padkreśliŭ, što molicca pra abaronu ad voraha rodu čałaviečaha.
Źviartajučysia da patryjarcha Kiryła, ekzarch adznačyŭ, što Biełaruś uschvalavanaja, jak i Ukraina. Mitrapalit Pavieł dadaŭ, što brackija narody spadziajucca na mudraść jepiskapa Ruskaj pravasłaŭnaj carkvy.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak11
Kamientary