Kiraŭnik adździeła nieŭrałohii i niejrachirurhii Minskaha navukova-praktyčnaha centra chirurhii, transpłantałohii i hiematałohii, hałoŭny pazaštatny śpiecyjalist pa anhijanieŭrałohii Ministerstva achovy zdaroŭja Siarhiej Marčanka raskazaŭ u efiry «Radyjo-Minsk» pra statystyku insultaŭ u Biełarusi.
Pa słovach śpiecyjalista, za apošnija dva hady ŭ krainie rehistravali prykładna 41—41,5 tysiačy vypadkaŭ insultaŭ u hod. Pavodle papiarednich danych za 2025 hod, kolkaść insultaŭ zastaniecca prykładna na takim ža ŭzroŭni. Pry hetym raniej, da pandemii karanavirusa, štohod fiksavałasia bolš za 44 tysiačy vypadkaŭ.
Śpiecyjalist adznačyŭ, što insult pa-raniejšamu źjaŭlajecca chvarobaj starejšych ludziej, niahledziačy na raspaŭsiudžanuju dumku pra «maładzieńkija insulty». Analiz baz danych MNPC i Balnicy chutkaj miedycynskaj dapamohi pakazaŭ, što za 11 hadoŭ praz hetyja ŭstanovy prajšło 45 tysiač pacyjentaŭ ź insultam, pry hetym dola maładych ludziej (18—44 hady) stabilnaja i składaje ŭ siarednim 3,7 %, plus-minus 0,5 %.
Marčanka taksama nahadaŭ asnoŭnyja faktary ryzyki insultu: u 95% pacyjentaŭ jość arteryjalnaja hipiertenzija. Taksama heta ateraskleroz mazhavych sasudaŭ, cukrovy dyjabiet, parušeńni rytmu serca, lišniaja vaha, hipadynamija, kureńnie i złoŭžyvańnie ałkaholem. Jon adznačyŭ, što insult moža zdarycca i ŭ dziaciej, choć heta značna radziej.
Ašvahandcha, žeńšeń, fuleren… Tabletki «dla imunitetu» i «dla mozhu»: što z hetaha realna pracuje? Adkazaŭ psichijatr
Na blizkim haryzoncie novyja leki ad chalesterynu: jany sapraŭdy revalucyjnyja
Śmiarotnaść siarod moładzi Uschodniaj Jeŭropy raście nasupierak suśvietnym tendencyjam
Biełaruskija kardyjachirurhi ŭpieršyniu paśpiachova vydalili puchlinu ŭ ciažarnaj žančyny
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ2
Kamientary