Hramadstva2222

Na lidara hurtu Dzieciuki zaviali spravu «za ekstremizm» za pierapost UKantakcie z anarchisckaha resursu

Na staroncy ŭ sacyjalnych sietkach horadzienskaha muzyki Alesia Dzianisava znajšli «ekstremizm». Kopiju pratakoła ab zaviedzienaj administratyŭnaj spravie Dzianisaŭ atrymaŭ na minułym tydni pa pošcie, piša radyjo «Svaboda».

Aleś Dzianisaŭ nie viedaje dakładna, jakuju mienavita infarmacyju na jahonaj staroncy UKantakcie milicyjanty paličyli niezakonnaj. Pratakoł składali bieź jaho. U dakumientach paznačana, što heta byŭ pierapost z anarchisckaha pablika vk.com/rdbelarus, uklučanaha ŭ respublikanski śpis ekstremisckich materyjałaŭ u 2016 hodzie.

«Ja lanujusia prahladać svaje pasty za 2—3 hady. Ja prahledzieŭ tolki za hod. Tam nivodnaha pasta z hetaj staronki niama… Ja b nie staŭ rabić pieraposty ekstremisckich materyjałaŭ, jakija b raspalvali nianaviść. Chutčej za ŭsio, heta byŭ niejtralny post», — kaža Dzianisaŭ.

Žurnalist nie viedaŭ, što zhadany pablik źmiaščaje ekstremisckija materyjały. Ciapier staronka zabłakavanaja. Zajści tudy niemahčyma, jak i zrabić pierapost adtul. 

Pakul nieviadoma, ci pierapost byŭ zrobleny da taho, jak resurs byŭ pryznany ekstremisckim, ci paśla taho.

Častka 2 artykułu 17.11 Kodeksa ab administracyjnych pravaparušeńniach praduhledžvaje pakarańnie ad štrafu da aryštu z kanfiskacyjaj srodkaŭ, praź jakija byli raspaŭsiudžanyja zabaronienyja materyjały.

U lipieni ŭ kvaterach Alesia Dzianisava i jahonaha kalehi adbylisia pieratrusy. Jany pravodzilisia ŭ miežach pravierki zajavy ab paklopie. Nibyta, zajavu napisała kamiendantka adnaho z horadzienskich internataŭ, jakija trapili ŭ siužet telekanała «Biełsat» pra ŭmovy žyćcia ŭ ich. Tady ŭ žurnalistaŭ kanfiskavali techniku. Dahetul źviestak pra hetuju pravierku abo mierkavanuju spravu pa joj u Dzianisava niama.

Aleś Dzianisaŭ — adzin z samych papularnych biełaruskamoŭnych muzykaŭ krainy. U pryvatnaści, jon vystupaŭ na vialikim kancercie na Dni Voli ŭ Minsku ŭ 2018 hodzie.

Raniej była zaviedzienaja kryminalnaja sprava na Alesia Lipaja, jaki byŭ hałoŭnym fundataram taho kancerta. A taksama raspačataja «sprava BiełTA» suprać žurnalistaŭ partała Tut.baj, ułaśnik jakoha Juryj Zisier taksama vystupaŭ na tym kancercie.

Kamientary22

Ciapier čytajuć

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik3

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik

Usie naviny →
Usie naviny

Z raźlikovych rachunkaŭ biełarusaŭ budzie ciažej śpisać hrošy biez zhody ŭładalnika

Tyktokier nabraŭ paŭmiljona prahladaŭ, zapościŭšy łuchtu pra biełaruski cukar4

Raźvitańnie ź Jarasłavam Jeŭdakimavym adbudziecca ŭ Minsku

«Usio, prypłyli». Biełarusy sutyknulisia z masavymi prablemami ŭ vykarystańni PayPal1

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ18

Vyklučeńnie Dana Holdings z sankcyjnaha śpisu ZŠA nie źviazanaje z «mirnymi pieramovami»

Pryznali «ekstremisckimi» sajt i sacsietki Jeŭrapiejskaha humanitarnaha ŭniviersiteta12

U Polščy pačali departavać zatrymanych na kancercie Maksa Karža11

U Rasii abjavili «zamiežnym ahientam» praŭładnaha palitołaha Markava4

bolš čytanych navin
bolš łajkanych navin

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik3

Tryvožny zvanočak — patreba vypić zranku. Narkołah raskazaŭ, jak zrazumieć, što vy ałkaholik

Hałoŭnaje
Usie naviny →

Zaŭvaha:

 

 

 

 

Zakryć Paviedamić