Časam chočacca pryhatavać štości prostaje i z dastupnych inhredyjentaŭ, ale pry hetym takoje, što nie sprabavaŭ dahetul. Mienavita ŭ taki momant ja i znajšła recept prasnakoŭ z cybulaj.
Što mianie zacikaviła, dyk heta spałučeńnie cybuli ź jabłykam. Pryznajusia, što dahetul ja vielmi skieptyčna staviłasia da jabłykaŭ u niesałodkich stravach. Ale tut jany dadajuć peŭnuju sakavitaść i niezvyčajny prysmak. A ŭ spałučeńni z makam i razmarynam hetaja na pieršy pohlad prostaja sprava stvaraje cudoŭnaje ŭražańnie. Idealna ŭ jakaści zakuski ci jak dadatak da supoŭ zamiest chleba. Smačna jeści!
Na ciesta:
- 600 hr. muki 1-ha hatunku;
- 300 mł ciopłaj vady;
- 100 mł ciopłaha małaka;
- 1 st. ł. maku;
- 7 hr. draždžej;
- 4 st. ł. aleju;
- 2 č. ł. soli.
Droždžy dadajom u ciopłuju vadu, chaj pastajać chvilin 10. Prasiejvajem muku ŭ misku i dadajom usie składniki na ciesta. Vymiešvajem prykładna 10—15 chvilin, pakul ciesta nie pierastanie lipnuć da ruk. Nakryvajem misku rušnikom i pakidajem na 1,5 hadziny.
Na načynku:
- 4 cybuliny;
- 1 jabłyk;
- 1 č. ł. razmarynu;
- 2 st. ł. aleju.
Cybulu režam na paŭkolcy, ačyščany jabłyk i režam na kubiki. Na patelni razahravajem alej, dadajom cybulu, jabłyk i razmaryn, tušym 15 chvilin na maleńkim ahni. Dajom načyńniu sastyć.
Ciesta dzielim na 12 kavałkaŭ, z kožnaha farmirujem prasnak pamieram mienš za dałoń. Vykładvajem prasnaki na pierhamient, trochi zmazany alejem. Pasiaredzinie kładziom načyńnie. Pakidajem jašče na 30 chvilin, kab prasnaki padnialisia.
Pieranosim pierhamient na blachu. Vypiakajem prasnaki prykładna 15 chvilin u duchoŭcy pry 180 hradusach.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary